Intermediate eXperimental Vehicle
Intermediate eXperimental Vehicle ou IXV é un vehículo experimental de tipo corpo sustentador da Axencia Espacial Europea.[1][2][3]
_02.jpg)
Características editar
IXV é unha nave experimental para probar tecnoloxías asociadas á reentrada atmosférica. Ten forma de corpo sustentador de 5 m de longo, 1,5 m de alto e 2,2 m de ancho, maximizando o volume interno para acoller experimentos e sensores. Entre as tecnoloxías que tiñan que ser validadas por IXV estaban:[1][2][3]
- Aeotermodinámica: validación do deseño de IXV e as ferramentas usadas para construílo e deseñalo, así como validación dos modelos de reentrada e comportamento dos gases arredor do vehículo a velocidades hipersónicas.
- Guiado de navegación e control: mellora dos algoritmos de guiado, acoplamento entre medidas de navegación intercial e GPS, estudar a combinación de flaps e propulsores para o control de voo, estudar os problemas de guiado e control na fase de voo hipersónico durante a reentrada.
- Protección térmica e estruturas quentes: validación do rendemento de voo en canto aos materiais de protección térmica e solucións de deseño complexo, como xuntas de expansión, selos, etc.
IXV foi lanzado a bordo dun foguete Vega o 11 de febreiro de 2015 desde o Centro Espacial de Kourou, na Güiana Francesa, amerizando no océano Pacífico, onde foi recuperado.[1][2][3]
Notas editar
- ↑ 1,0 1,1 1,2 Mark Wade (2023). "IXV" (en inglés). Consultado o 17 de maio de 2023.
- ↑ 2,0 2,1 2,2 Gunter Dirk Krebs (2023). Gunter's Space Page, ed. "IXV" (en inglés). Consultado o 17 de maio de 2023.
- ↑ 3,0 3,1 3,2 ESA, ed. (2023). "Intermediate eXperimental Vehicle" (en inglés). Consultado o 17 de maio de 2023.
Véxase tamén editar
Wikimedia Commons ten máis contidos multimedia na categoría: Intermediate eXperimental Vehicle  |