Ingo Schwichtenberg
Ingo Schwichtenberg, nado en Hamburgo o 18 de maio de 1965 e finado no mesmo lugar o 8 de marzo de 1995, foi un dos fundadores da banda alemá de heavy metal Helloween, en 1984, e o seu batería até 1993. É o autor da idea e dos deseños do ex-libris da banda: The Pumpkin (a cabaza).
| Ingo Schwichtenberg | |
|---|---|
| Nome completo | Ingo Schwichtenberg |
| Alias | Mr.Smille |
| Data nacemento | 18 de maio de 1965 |
| Nado en | Hamburgo, Alemaña |
| Falecemento | 8 de marzo de 1995 |
| Hamburgo | |
| Soterrado | Wandsbek |
| Ocupación | Batería |
| Xénero | Power metal Metal progresivo Heavy metal Metal neoclásico |
| Instrumento(s) | Batería, percusión |
| Selo(s) discográfico(s) | Horus Sound Studio Noise Records Nuclear Blast EMI |
| Relacionado con | Helloween |
| Tempo en activo | 1983 - 1995 |
| Pseudónimo | Mr Smile |
| Na rede | |
| http://www.ingo-schwichtenberg.com/ | |
    | |
| [ editar datos en Wikidata ] | |
Tras case unha década tocando en Helloween, comezou a ter problemas de esquizofrenia e de depresión maníaca, desencadeados pola inxestión abusiva de bebidas alcohólicas, drogas, o que, segundo a banda, foi o factor responsábel do seu suicidio.
A situación chegou ao límite no final dun concerto, no Xapón, en 1993, cando Ingo tivo unha forte crise psicótica, o que levou a que fose suspenso de actuar con Helloween até tratar a súa dependencia de drogas, tendo que ser substituído por Richie Abdel Nabi (que tocou só até ao final da xira) en plena digresión de promoción do traballo Chameleon.
Despois de deixar o grupo, e ser substituído por Uli Kusch, abandonou tamén a medicación psiquiátrica. O seu estado de saúde agravouse tras a morte repentina do seu pai, o que fixo que se mergullase na súa tristeza e que as crises esquizofrénicas se tornasen máis frecuentes.
En marzo de 1995, con 29 anos, puxo fin á súa vida tirándose ás vías do metro, na estación de Friedrichsberg, en Hamburgo.
Está enterrado no cemiterio de Waldfriedhof Volksdorf, en Hamburgo.
En 1996, o seu ex-colega de banda, Michael Kiske (ex-Helloween), dedicoulle algunhas músicas, como "Always" e "Do I Remember a Life?", do álbum Instant Clarity. Foi en 1996, tamén, cando Helloween lle dedicou o álbum The Time of the Oath.
Discografía editar
Como batería, participou nos seguintes álbums de Helloween:
- 1985 - Helloween
- 1985 - Walls of Jericho
- 1987 - Keeper of the Seven Keys: Part 1
- 1988 - Keeper of the Seven Keys: Part 2
- 1991 - Pink Bubbles Go Ape
- 1993 - Chamaleon
Participou tamén como co-autor dalgúns temas dos álbums arriba referidos.
Véxase tamén editar
Ligazóns externas editar
- Ingo Schwichtenberg en findagrave.com (en inglés)
- Páxina-memorial dedicada a Ingo (en alemán) (en inglés)