Illa Simeulue

Simeulue é unha illa de Indonesia, a 150 km da costa oeste de Sumatra. A súa capital é Sinabang.

Simeulue
Localización da illa
Mapa da illa
Situación
País	Indonesia
Provincia	Aceh
Arquipélago	Illas maiores da Sonda
Mar	Océano Índico
Coordenadas	2°35′N 96°05′L
Xeografía
Xeoloxía	Prisma de acreción
Superficie	2.310 km²
Longura máxima	100 km.
Largura máxima	30 km.
Punto máis alto	567 m.
Demografía
Capital	Sinabang
Poboación	82.100 (censo 2007)
Densidade	35´5 hab./km²

Lavado da medula da palma de sagú (Metroxylon sagu); Simeulue

Simeulue foi unha vez unha parte da rexencia do oeste de Aceh pero separouse en 1999 e converteuse nunha Rexencia separada de Simeulue.

Demografía

Desde o punto de vista étnico os habitantes de Simeulue son similares á xente da veciña illa Nias. Dúas linguas e unha serie de dialectos fálanse na illa: Devayan e Sigulai, que son diferentes das linguas faladas no norte de Sumatra. A maioría da poboación da illa é musulmá.

Terremoto no océano Índico de 2004

Simeulue estivo preto do epicentro do terremoto do 9 de decembro de 2004.

O 28 de marzo de 2005, un terremoto de magnitude 8´7 impactou co seu epicentro xusto á beira do extremo sur da illa. Durante o terremoto, Simeulue levantouse polo menos 1´8 metros na costa occidental. Isto deixou a parte superior plana dos seus arrecifes de coral por encima da marea alta. Na costa leste, a terra mergullouse, coa auga de mar inundando campos e asentamentos.

Sabedoría local

Aínda que a illa de Simeulue estaba a só 60 quilómetros do epicentro, mentres que Banda Aceh estaba a uns 250 quilómetros, só morreron seis residentes mentres que os 70.000 restantes quedaron a salvo, debido á sabedoría local chamada smong, esta dicta que logo dun terremoto, se a marea retrocede repentinamente, a xente debe evacuar a un terreo máis alto tan axiña que como sexa posible.

Véxase tamén