Illa Sherbro
A Illa Sherbro é unha illa no océano Atlántico situado no distrito Bonthe da Provincia Sur de Serra Leoa. O pobo Sherbro constitúe o maior grupo étnico da illa, separada do continente africano polo río Sherbro ao norte e o estreito Sherbro ao leste.
Illa Sherbro | |
---|---|
Localización da illa | |
Situación | |
País | Serra Leoa |
Coordenadas | 7°33′N 12°42′O / 7.550, -12.700Coordenadas: 7°33′N 12°42′O / 7.550, -12.700 |
Xeografía | |
Superficie | 600 km² |
Longura máxima | 52´4 km. |
Largura máxima | 18 km. |
Demografía | |
Capital | Bonthe |
Poboación | 28.457 (2013) |
Ten aproximadamente uns 52 km de longo e uns 18 km de largo abarcando unha superficie duns 600 km cadrados. O seu punto máis occidental é o Cabo St. Ann.
O seu principal porto e centro comercial é Bonthe, no extremo oriental.
A illa dispón duns 65 km de praias tropicais e o Ministro de Turismo e Desenvolvemento de Serra Leoa realizou varios proxectos para o seu desenvolvemento turístico.
Actividades económicas
editarAs principais actividades económicas da illa son o cultivo do arroz, o turismo e a pesca.
Historia
editarO pobo Sherbro habitaba a illa antes da chegada dos europeos. A comezos do século XIX os británicos convertérona nun posto contra o tráfico de escravos. A illa foi adquirida aos Sherbro e unida á colonia de Freetown en 1861.
En 1815 Paul Cuffe instalou a un grupo de 88 escravos liberados en Sherbrod. A illa tamén foi colonizada por Samuel J. Mills e Ebenezer Burgess a petición da Sociedade Americana de Colonización. Esta adquisición autorizouse mediante un acta do Congreso dos Estados Unidos o 3 de marzo de 1819, autorizando o regreso dos escravos negros liberados á súa "patria nai".
Un grupo de escravos libres procedentes de América chegou a Illa Sherbro en 1821, pero as enfermidades e as condicións pantanosas das illas leváronos a abandonala e dirixirse a Cabo Mesurado, onde crearon unha nova colonia en abril de 1822, e que sería o núcleo inicial de Liberia.
A illa foi adquirida ao pobo de Sherbro en 1861 pola British Crown Colony en Freetown. Administrouse baixo o goberno colonial ata que Serra Leoa logrou a independencia en 1961.
Notas
editarVéxase tamén
editarWikimedia Commons ten máis contidos multimedia na categoría: Illa Sherbro |