Illa Lougheed

A illa Lougheed é unha das illas deshabitadas do arquipélago ártico canadense na rexión de Qikiqtaaluk, Nunavut. Ten unha superficie de 1.312 km². Está relativamente illada comparada con outras illas árticas canadenses, e está situado no Océano Ártico, a medio camiño entre a illa Ellef Ringnes ao nordés e a Illa Melville cara ao suroeste. Forma parte do Grupo Findlay.

Illa Lougheed
Lougheedisland.png
Localización da illa
EllefRingnesIandneighbourhood.png
Mapa da illa Ellef Ringnes, Lougheed atópase ao suroeste
Situación
PaísFlag of Canada.svg Canadá
TerritorioNunavut
ArquipélagoIllas da Raíña Isabel
MarOcéano Ártico
Coordenadas77°26′00″N 105°06′00″O / 77.43333, -105.10000Coordenadas: 77°26′00″N 105°06′00″O / 77.43333, -105.10000
Xeografía
Superficie1.312 km²
Longura máxima78 km.
Largura máxima23 km.
Perímetro243 km.
Punto máis alto126 m.
Demografía
PoboaciónDeshabitada
Illa Lougheed e Illa King Christian. Imaxe de satélite creada por MODIS Rapid Response System, NASA/GSFC

HistoriaEditar

O primeiro avistamento coñecido da illa foi en 1916 por Vilhjalmur Stefansson, durante a súa Expedición ártica.[1]

O 14 de abril de 1993, Environment Canadá revogou un permiso concedido a Panarctic Oils Ltd. para desfacerse de 400 toneladas de chatarra no océano fronte á illa de Lougheed. A decisión tomouse en resposta ás preocupacións expresadas polos residentes de Grise Fiord, Resolute, Arctic Bay e Pond Inlet. En lugar de botar o material no mar, iniciouse un proxecto de investigación para avaliar o impacto ambiental da acumulación de chatarra na illa Lougheed.

En 1994, Larry Newitt do Geological Survey of Canadá e Charles Barton da Australian Geological Survey Organization estableceron un observatorio magnético temporal na illa de Lougheed, preto da posición prognosticada do Polo Norte magnético, co fin de monitorear as fluctuacións a curto prazo do campo magnético da Terra.[2]

NotasEditar

  1. Stefansson, Vilhjalmur (1922). The Friendly Arctic: The Story of Five Years in Polar Regions. New York: Macmillan. 
  2. Newitt, Larry. "Tracking the North Magnetic Pol". uni-muenchen.de. Arquivado dende o orixinal o 15 de febreiro de 2008. Consultado o 2008-05-18. 

Véxase taménEditar

Outros artigosEditar

Ligazóns externasEditar