Ifni
Ifni foi unha antiga posesión española na costa africana, ao sur de Agadir, tiña unha superficie de 1.502 km² e unha poboación no ano 1964 de 51.517 habitantes, a capital era Sidi Ifni.
| Localización | |||||
|---|---|---|---|---|---|
| |||||
| Capital | Sidi Ifni  | ||||
| Datos históricos | |||||
| Precedido por | |||||
| Creación | 1958 | ||||
| Disolución | 30 de xuño de 1969 | ||||
| Sucedido por | Marrocos | ||||
| Moeda | peseta | ||||
.png)
Historia e características
editarO territorio foille concedido a España en perpetuidade conforme ao Tratado asinado entre España e Marrocos en 1860. Neste territorio tivera xa España un establecemento chamado Santa Cruz de la Mar Pequeña entre 1476 e 1524, aínda que non se sabe con exactitude a súa localización.
Durante moitos anos España non fixo ningún movemento para ocupar o territorio e non foi ata o 6 de abril de 1934 que o coronel Osvaldo Capaz Montes ao desembarcar do canoneiro Canalejas tomou posesión deste territorio no nome de España. Ata 1952 Ifni tivo status de protectorado e nese ano converteuse en parte da África Occidental Española.
Desde que Marrocos obtivo a independencia en 1956 reclamou o territorio en varias ocasións. O 23 de novembro de 1957 o Exército de Liberación Marroquí co apoio do goberno marroquí atacou Ifni, fíxose co control da maior parte do territorio quedando a administración española reducida a Sidi Ifni e os seus arredores que constituíu unha provincia española. O 30 de xullo de 1969 Ifni pasou a soberanía marroquí.