Ideal Gallego
Ideal Gallego foi un periódico editado na Habana entre 1925 e 1930.
| Ideal Gallego | |
|---|---|
 | |
| País | Cuba |
| Lugar de publicación | A Habana |
| Lingua | lingua castelá |
| Fundación | 1925 |
| Última edición | 1930 |
| Na rede | |
 | |
| [ editar datos en Wikidata ] | |
- Non confundir con El Ideal Gallego da Coruña.
Historia e características editar
Subtitulado Paladín de la cultura, defensor de la colonia gallega de Cuba y órgano oficial del Comité Representativo de las Sociedades Gallegas de Instrucción (do número 55 ao 101), apareceu en 1925. Foi decenal, e despois quincenal e semanal. Dirixido por José María Sánchez Brea, con Celso Enríquez Balsa como subdirector (no 93-102), o xefe de redacción era José Rodríguez Miranda, despois susbtituído por Rafael Romano Gracia, o director artístico Ramón González, substituído a partir do número 92 por U. Rodríguez Rivas, e o administrador Benjamín Martínez. Manuel Mariño foi un dos redactores. Entre os seus colaboradores figuraban: Enrique Zas, Jorge Mañach, Fuco Gómez, Mariano Roibás Cordero, Salvador Salazar, José Fradera, Arturo Doreste, Secundino Baños, Wenceslao Gálvez, Adolfo Anta Espino e Germinal Barral. A partir de agosto de 1928 pasou a ser revista mensual, na que se publicaba crítica musical e teatral, novas sociais e literatura. Cesou a súa publicación en maio de 1930.
Véxase tamén editar
Bibliografía editar
- "Ideal Gallego". Enciclopedia Galega Universal. Ir Indo. 1999-2002. ISBN 84-7680-288-9.
- Domingo Cuadriello, Jorge (2002). Los españoles en las letras cubanas durante el siglo XX. Diccionario Bio-Bibliográfico. Sevilla: Renacimiento. p. 249. ISBN 84-8472-069-1.
- Neira Vilas, Xosé (2011). A prensa galega de Cuba. CIRP. ISBN 978-84-453-5020-1.
- Peña Saavedra, Vicente (dir.) (1998). Repertorio da prensa galega da emigración. Santiago de Compostela: CCG. pp. 215–216. ISBN 84-87172-30-X.
- Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. ISBN 84-8288-137-X.