Hugo II do Maine
Hugo II do Maine, nado c. 920-925 e finado en 992, foi conde do Maine no século X. Era fillo de Hugo I do Maine e probabelmente dunha filla de Goslino II do Maine.
| Biografía | |
|---|---|
| Nacemento | 920 (Gregoriano)  |
| Morte | 992 (71/72 anos) |
| Actividade | |
| Ocupación | aristócrata |
| Período de actividade | - 992 |
Outro | |
| Título | Conde |
| Familia | House of Hugonids (en)  |
| Fillos | Hugh III of Maine (en) , Melisende (en) |
| Pais | Hugh I, Count of Maine (en) e NN (en) |
| Irmáns | Hervé I de Mortagne (en) |
 | |
Traxectoria
editarFoi conde do Maine cando morreu o pai, entre 939 e 955, e foi, como o seu pai, un dos primeiros vasalos do seu tío Hugo o Grande. Este último morreu en 956, deixando un fillo novo, o futuro Hugo I de Francia, e Hugo II aproveitou para se independizar desta soberanía, como Folque II o Bo, conde de Anjou e Teobaldo I de Blois, conde de Blois[1].
Despois, aliouse co fillo de Teobaldo, Eudes I, nunha coalición contra o rei capeto. Sixefredo, bispo de Le Mans, fiel a Hugo Capeto, tivo que fuxir da cidade e refuxiarse co conde de Vendôme, Bucardo I, ao que lle deu os dominios que acabaron formando o Bas-Vendômois.
Non se sabe quen foi a súa muller. O nome do seu terceiro fillo indica unha relación probábel desta muller coa casa de Vermandois. Tiveron tres fillos[2]:
- Hugo III do Maine (m. 1014), conde do Maine.
- Folque do Maine (m. 992).
- Herberto do Maine (m. 1 de abril de 1046), titor e rexedor do seu sobriño segundo Hugo IV do Maine, logo deposto e relegado a un mosteiro[3].
Tamén tiña varias fillas,[4] incluíndo quizais Melisenda do Maine, muller de Xudicael de Nantes, conde de Nantes.
Notas
editar- ↑ Hugues Capet. Naissance d'une dynastie. Biographies historiques. Fayard. 14 de xaneiro de 1987. ISBN 9782213670027.
- ↑ Segundo os Comtes du Maine, de Étienne Patou, 2007.
- ↑ Subscribiu unha doazón de terras en Voivres do seu irrmán á abadía de Mont Saint-Michel en 1014.
- ↑ http://fmg.ac/Projects/MedLands/MAINE.htm#HuguesIIMainedied992B