Hersey Hawkins

Hersey Hawkins
Biografía
Nacemento	29 de setembro de 1966 (57 anos); Chicago, Estados Unidos de América
Datos persoais
Residencia	Chicago
País de nacionalidade	Estados Unidos de América
Educación	George Westinghouse College Prep (en) ; Bradley University (en)
Altura	190 cm
Peso	86 kg
Actividade
Ocupación	baloncestista , adestrador de baloncesto
Período de actividade	1988 - 2001
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Escolta
Convocado por	Los Angeles Clippers
Traxectoria
Participou en
1988	Xogos Olímpicos de 1988
Familia
Fillos	Corey Hawkins (en)
	Premios (1999) Xogador Máis Deportivo da NBA; (1989) equipo All-Rookie da NBA ;

Hersey R. Hawkins, Jr., nado en Chicago (Illinois) o 29 de setembro de 1966, é un antigo xogador de baloncesto profesional estadounidense que xogou na National Basketball Association (NBA).

Traxectoria deportiva

Universidade

Hersey pasou catro tempadas na Universidade de Bradley. Na tempada 1987-1988, 36.6 puntos por partido, a marca máis alta na División I da NCAA, e foi escollido xogador universitario do ano do país. A súa carreira baloncestística na universidade foi moi exitosa. Antes de ser drafteado na NBA, foi membro da selección de baloncesto dos Estados Unidos nos Xogos Olímpicos de 1988 en Seúl xunto a outras once futuras estrelas da NBA, adestrados por John Thompson.

NBA

Philadelphia 76ers

Foi elixido na 6ª posición no Draft da NBA de 1988 polos Los Angeles Clippers, pero os seus dereitos foron traspasados inmediatamente aos Philadelphia 76ers, a cambio dos dereitos do seu antigo compañeiro das Olimpiadas de 1988, Charles Smith. Nos Sixers, "Hawk" foi a segundo opción de anotación por detrás de Charles Barkley. Hawkins foi escollido no segundo equipo de Rookies da NBA en 1989. En 1991, acadou 22.1 puntos por partido, e xogou o NBA All-Star Game. Nun partido contra os Orlando Magic, anotou 43 puntos, a mellor marca da súa carreira.

Charlotte Hornets

En 1993, Hawkins foi traspasado aos Charlotte Hornets a cambio de Dana Barros, Sidney Green e eleccións do Draft. En 1994, colleu 14 rebotes, o maior número acadado na súa carreira, contra os Houston Rockets.

Seattle SuperSonics

Tras dúas tempadas produtivas en Charlotte, Hawkins e David Wingate foron traspasados aos Seattle SuperSonics a cambio de Kendall Gill. En 1996, xogou un papel importante no equipo, sendo un bo complemento de Gary Payton, Detlef Schrempf e Shawn Kemp, nos Sonics que chegaron ás Finais da NBA, pero perderon por 2-4 contra os Chicago Bulls.

Na súa derradeira tempada en Seattle, gañou o premio ao xogador máis deportivo da NBA.

Chicago Bulls

O 12 de agosto de 1999, Hawkins foi traspasado aos Chicago Bulls, pero a súa etapa dun ano en Chicago foi moi pobre debido ás lesións, e tan só fixo 7.9 puntos por partido en 61 encontros.

Regreso a Charlotte

Chegou de volta a Charlotte coma axente libre no ano 2000, e retirouse no ano 2001, cun total de 14.470 puntos anotados na súa carreira.

Véxase tamén

Ligazóns externas

Perfil en NBA.com
Estadísticas da súa carreira Arquivado 25 de abril de 2013 en Wayback Machine.