Halothiobacillus
| Halothiobacillus | |||||||||||||
|---|---|---|---|---|---|---|---|---|---|---|---|---|---|
| |||||||||||||
| Clasificación científica | |||||||||||||
| |||||||||||||
| Especies | |||||||||||||
Halothiobacillus é un xénero de Gammaproteobacteria. Comprende dúas especies aerobias obrigadas que necesitan oxíxeno para vivir. Son tamén halotolerantes e viven en ambientes con altas concentracións de sal ou outros solutos, pero non os precisan para crecer.
A especie tipo deste xénero, Halothiobacillus neapolitanus, era antes clasificada dentro do xénero Thiobacillus, pero foi reclasificada en 2000.[1] Outras dúas especies que antes tamén estaban en Thiobacillus foron reclasificadas inicialmente como Halothiobacillus halophilus e Halothiobacillus hydrothermalis; porén, ambas as dúas eran halófilos obrigados en lugar de ser halotolerantes e presentaban unha comparativamente baixa identidade no xene de ARNr 16S con Halothiobacillus neapolitanus, o que fixo que fosen de novo reclasificadas no xénero de nova designación Guyparkeria en 2017, cos nomes Guyparkeria halophila e Guyparkeria hydrothermalis.[2]
Importacia ambiental
editarHalothiobacillus é un xénero de bacterias, cuxas especies, xunto con outros organismos quimiolitoautótrofos, xogan un importante papel nos ciclos do carbono e do xofre globais. Teñen a capacidade de vivir dependendo só de fontes de compostos inorgánicos (CO2 e xofre reducido) para cubrir as súas necesidades de carbono e enerxía, pero poden asimilar algúns intermediarios do ciclo de Krebs durante o seu crecemento autótrofo.[2]
Especies
editar- Halothiobacillus kellyi
- Halothiobacillus neapolitanus (basónimo: Thiobacillus neapolitanus[1]), cuxa cepa tipo é a ParkerXT, illada dos sumidoiros de Melbourne, Australia por Cecil David 'Guy' Parker na década de 1940; esta cepa é agora un organismo modelo común para investigar a autotrofia, especialmente no estudo dos carboxisomas e o seu papel na concentración de carbono e mantemento da eficacia do encima RuBisCO durante o crecemento autótrofo.[2]
Notas
editar- ↑ 1,0 1,1 Kelly, D.P., and Wood, A.P. "Reclassification of some species of Thiobacillus to the newly designated genera Acidithiobacillus gen. nov., Halothiobacillus gen. nov. and Thermithiobacillus gen. nov." Int. J. Syst. Evol. Microbiol. (2000) 50:489-500.
- ↑ 2,0 2,1 2,2 Boden R (2017). "Reclassification of Halothiobacillus hydrothermalis and Halothiobacillus halophilus to Guyparkeria gen. nov. in the Thioalkalibacteraceae fam. nov., with emended descriptions of the genus Halothiobacillus and family Halothiobacillaceae.". International Journal of Systematic and Evolutionary Microbiology 67: 3919–3928. PMID 28884673. doi:10.1099/ijsem.0.002222. Consultado o 9 December 2017.
Véxase tamén
editarLigazóns externas
editar
|
Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |