Halo (Vigo)
O Halo é unha infraestrutura civil na cidade de Vigo, inaugurada o 16 de febreiro de 2024, que une a rúa García Barbón coa estación multimodal de trens e autobuses.
| Halo | |
|---|---|
 Vista do Halo desde a rúa de García Barbón. | |
| Rexistro de altura | |
| Edificio | |
| Localización | Vigo |
| Coordenadas | 42°14′09″N 8°42′44″O / 42.235806329103, -8.7123149517594Coordenadas: 42°14′09″N 8°42′44″O / 42.235806329103, -8.7123149517594 |
| Propietario | Concello de Vigo |
| Uso(s) | Ascensor panorámico, miradoiro. |
| Construción | |
| Inicio | 2022 |
| Equipo | |
| Premios | Loop Design Awards |
| [ editar datos en Wikidata ] | |
Características
editarParte dende o centro comercial Vialia, pasa sobre a autoestrada AP-9 e contén dous ascensores, evitando un rodeo duns 2 quilómetros. A estrutura conta con dúas cabinas de 2,73 metros cadrados e unha capacidade para 17 persoas cada unha.
A obra levou 16 meses e tivo un orzamento de 15,8 millóns de euros. Trátase dun ascensor panorámico, translúcido, que salva 50 metros nuns 30 segundos. Conta con catro aeroxeradores que permiten aos ascensores funcionar coma elementos autosuficientes.
Ademais da súa función como ascensor, o Halo preséntase como un miradoiro da cidade con vistas á ría de Vigo.
Sucesos
editarO 7 de febreiro de 2024, antes da inauguración, un home de 31 anos suicidouse lanzándose desde o Halo. Tras a inauguración, o 22 de febreiro, un mozo de 21 anos faleceu do mesmo xeito.[1]
Recoñecementos
editarO Halo recibiu o primeiro premio internacional de arquitectura Loop Design Awards, na categoría de arquitectura non construída[2] no ano 2021.
Notas
editar- ↑ E. V. Pita (22 de febreiro de 2024). "El segundo suicidio en el ascensor Halo lleva al Ayuntamiento de Vigo a estudiar cómo reforzar la seguridad". La Voz de Galicia (en castelán).
- ↑ "El ascensor 'Halo' de Vigo recibe un premio internacional entre 650 propuestas". Consultado o 29/02/2024.