A dos hílidos (Hylidae) é unha familia de anfibios anuros, coñecidos como ras arborícolas comúns, moi variábeis morfolóxica e ecoloxicamente.

Hílidos
(Hylidae)
Ras arborícolas comúns

Agalychnis callidryas
Clasificación científica
Reino: Animalia
Filo: Chordata
Subfilo: Vertebrata
Clase: Amphibia
Orde: Anura
Familia: Hylidae
Rafinesque, 1815
Distribución dos hílidos (en negro)
Distribución dos hílidos (en negro)

Distribución dos hílidos (en negro)
Xéneros
  • Ver texto

Algunhas destas ras son verdes, aínda que existe unha gran diversidade na súa pigmentación.

Xeralmente aliméntanse de insectos, pero algunhas cazan pequenos vertebrados; outras, como as do xénero Cyclorana, entérranse na lama e pasan boa parte da súa vida baixo terra.[1]

Características editar

O dos hílidos constitúen un grupo de ras moi amplo e de grande éxito, que están presentes en gran parte do mundo tropical e temperado, agás en parte do SE asiático e na maior parte de África.

As tres especies europeas son membro típicos do xénero Hyla que, porén, é un grupo tipicamente americano. Son ras pequenas, repoludas, de pel lisa, con ollos coa pupila horizontal, patas longas e discos adhesivos na punta dos dedos, que se alimentan principalmente de insectos voadores que capturan con gran axilidade.

A reprodución ten lugar na noite, en pozas, lagoas ou en pequenos ríos de curso lento. Os machos desenvolven pequenas calosidades nupciais nos polgares, e abrazan ás femias nun amplexo axilar. Os ovos son depositados en paquetes flotantes, do tamaño dunha noz, que conteñen de 800 a 1 000 ovos. Os cágados, que tenden a seren solitarios, teñen unha profunda aleta caudal que se estende cara a diante até o dorso, e nadan con movementos rápidos similares aos dun peixe.[2][3]

Clasificación editar

 
Hyla molleri.
 
Hyla arborea.
 
Hyla japonica.
 
Hyla versicolor.
 
Phyllomedusa sauvagii.
 
Litoria wilcoxi.

A familia dividíase tradicionalmente en tres subfamilias, con 46 xéneros.[4]

Tres das anteriores subfamilias seguen incluídas en Hylidae, aínda que dúas delas considéranse agora como unha soa porque son monofiléticas.

A subfamilia Hylinae divídese, segundo certos autores, en catro tribos.[5]

O estudo xenético separou da familia Hylidae a subfamilia Hemiphractinae:[5]

Familia Hemiphractidae

Xénero Cryptobatrachus
Xénero Hemiphractus
Xénero Stefania

Os xéneros Flectonotus e Gastrotheca considéranse parte da familia Amphignathodontidae.

Notas editar

  1. Zweifel (1998), pp. 93–94.
  2. Arnold e Burton (1978), pp. 74-75.
  3. Andrada (1980), p. 68.
  4. Frost, Darrel R. (2008): Amphibian Species of the World: an Online Reference. Version 5.2. Electronic Database (accesíbel en Amphibia American Museum of Natural History, New York, USA).
  5. 5,0 5,1 Faivovich, Julián et. al. (2005): "Systematic review of the frog familiy Hylidae, with special reference to Hylinae: phylogenetic analysis and taxonomic revisio", in Bulletin of the American Museum of Natural History, 294 (1): 1–240. Resume

Véxase tamén editar

Bibliografía editar

  • Andrada, J. (1980): Guía de campo de los anfibios y reptiles de la península Ibérica. Barcelona: Omega. ISBN 84-282-0589-2.
  • Arnold, E. N. & J. A. Burron (1978): Guía de campo de los reptiles y anfibios de España y Europa. Barcelona: Omega. ISBN 84-282-0488-8.
  • Zweifel, Robert G. (1998): in Cogger, H. G. & R. G. Zweifel (eds.) Encyclopedia of Reptiles and Amphibians. San Diego: Academic Press. ISBN 0-12-178560-2.

Outros artigos editar

Ligazóns externas editar