Goyo Revenga

Gregorio Revenga Portela, máis coñecido como Goyo Revenga, nado en Pontevedra en 1961, é un empresario e político galego.

Goyo Revenga

Biografía
Nacemento	1961 (62/63 anos) Pontevedra, España
Educación	Universidade Complutense de Madrid
Actividade
Ocupación	político

Papeleta de Ciudadanos en Pontevedra nas eleccións locais de 2019.

Traxectoria

Diplomouse en óptica pola Universidade Complutense de Madrid en 1982. Estableceu a súa propia óptica en 1984 na súa localidade natal e dende 1987 colabora tamén co servizo de rehabilitación da ONCE. Militante de Ciudadanos, foi candidato ao Senado nas Eleccións xerais de 2015 e nas Eleccións xerais de 2016. Dende 2017 é coordinador local e provincial do seu partido en Pontevedra. Nas eleccións locais de 2019 foi o candidato á alcaldía de Pontevedra, sendo finalmente concelleiro. Nas eleccións xerais de abril de 2019 e eleccións xerais de novembro de 2019 repetiu candidatura ao Senado. O 7 de febreiro de 2020 o seu partido suspendeuno de militancia por apoiar os orzamentos do goberno local e o 20 de xullo expulsouno definitivamente da formación, así e todo Revenga permaneceu como concelleiro non adscrito.