Goliath Tabuni
Goliath Namaan Tabuni,[1] nado en 1959 ou 1960, é un guerrilleiro papúa, comandante do Exército de Liberación Nacional de Papúa Occidental. Con base en Puncak Jaya, a súa unidade é coñecida por lanzar ataques e emboscadas contra as unidades do goberno indonesio.
Biografía | |
---|---|
Nacemento | 1959 (64/65 anos) Puncak Jaya, Indonesia |
Datos persoais | |
País de nacionalidade | Indonesia |
Actividade | |
Ocupación | guerrilleiro |
Traxectoria editar
Tabuni naceu en 1959 ou 1960,[2] orixinario do distrito de Gurage no que hoxe é a Rexencia Puncak Jaya.[3] Segundo os informes, uniuse ao Movemento Papúa Libre na década de 1980, despois de recibir unha malleira de soldados indonesios por unha acusación ilícita. Na década de 1990, uniuse á unidade de Kelly Kwalik preto da mina de Grasberg, antes de separarse e regresar a Puncak Jaya en 2004, establecendo a súa base no distrito de Tingginambut.[3] Desde entón, Puncak Jaya foi considerada "a rexión máis violenta" de Papúa.[3] Entre 2009 e 2015, polo menos 29 policías e militares indonesios morreron en Puncak Jaya, debido ás emboscadas dos guerrilleiros liderados por Tabuni.[4] Outras unidades do Exército de Liberación Nacional de Papúa Occidental nas rexencias de Puncak, Paniai e Mimika operan baixo o mando de Tabuni ata certo punto,[5] aínda que as unidades de Tabuni tamén entraron en conflito cunha facción separatista baixo Purom Wenda.[6]
En parte debido ás súas accións, foi nomeado Comandante Supremo do Exército de Liberación Nacional de Papúa Occidental en 2012 durante unha conferencia do Comité Nacional de Papúa Occidental en Biak.[4] Debido ao seu protagonismo como líder guerrilleiro, tamén se involucrou na política local; en 2006, un político local achegouse a el para pedirlle apoio nunhas eleccións rexionais contra o posterior gobernador de Papúa Lukas Enembe,[7] e en 2009, Tabuni apoiou a Golkar en troques de que o seu curmán Deerd Tabuni se convertese nun lexislador provincial. Deerd mesmo chegou a ser presidente da lexislatura.[4]
En marzo de 2015, os medios de comunicación informaron de que Tabuni se rendía ao goberno indonesio, mais retractáronse pouco despois.[8][9] Informes posteriores afirmaron que se retirara da guerrilla e dirixía un negocio de madeira,[10] unha información que foi desmentida por un voceiro do Exército de Liberación.[2]
Tabuni anunciou publicamente que non apoiaría o Movemento Unido de Liberación de Papúa Occidental.[11] Tamén rexeitou a autonomía rexional de Papúa, pedindo a plena independencia.[1]
Notas editar
- ↑ 1,0 1,1 "Ini Kata Jenderal Goliath Tabuni Soal Otonomi Khusus Papua". Gatra (en indonesio). 15 de xullo de 2021. Consultado o 9 de decembro de 2021.
- ↑ 2,0 2,1 "Begini Keseharian Panglima OPM Goliath Tabuni". Gatra (en indonesio). 13 de xaneiro de 2017. Consultado o 9 de decembro de 2021.
Umur beliau masih 57 tahun
- ↑ 3,0 3,1 3,2 "The Current Status of the Papuan Pro-Independence Movement" (PDF). Institute for Policy Analysis of Conflict. 24 de agosto de 2015. p. 9. Consultado o 9 de decembro de 2021.
- ↑ 4,0 4,1 4,2 IPAC 2015, p. 10.
- ↑ IPAC 2015, p. 3.
- ↑ Anderson, Bobby (28 de novembro de 2017). "Putting Indonesian Papua's tensions in context". The Interpreter (en inglés) (Lowy Institute). Consultado o 9 de decembro de 2021.
- ↑ IPAC 2015, p. 9.
- ↑ "Goliat Tabuni, Jenderal OPM Menyerahkan Diri ke TNI". VIVA (en indonesio). 24 de marzo de 2015. Consultado o 9 de decembro de 2021.
- ↑ IPAC 2015, p. 11.
- ↑ "Ini profil panglima OPM Goliat Tabuni yang kini jadi pengusaha kayu". Merdeka (en indonesio). 12 de outubro de 2015. Consultado o 9 de decembro de 2021.
- ↑ IPAC 2015, p. 21.