Gillette Stadium
Gillette Stadium é un estadio situado na cidade de Foxborough, Massachusetts (Estados Unidos), 39 km ao suroeste do centro da capital do estado, Boston, e 32 km ao nordés de Providence, Rhode Island. Inaugurado en 2002 co nome de CMGI Field, serve como estadio e sede administrativa dos New England Patriots da National Football League (NFL) de fútbol americano e dos New England Revolution da Major League Soccer (MLS) de fútbol.
| Gillette Stadium | ||||
|---|---|---|---|---|
 | ||||
.jpg) | ||||
| Tipo | estadio  | |||
| Epónimo | The Gillette Company (en)  | |||
| Custo | $325 millóns | |||
| Deporte | Fútbol americano | |||
| Persoas e organizacións | ||||
| Operador/a | The Kraft Group (en) | |||
| Ocupante | New England Patriots, New England Revolution (en) e New England Revolution II (pt) | |||
| Propietario/a | Kraft Sports Group | |||
| Arquitecto/a | Populous | |||
| Enxeñeiro/a | Bliss and Nyitray, Inc. | |||
| Datas | ||||
| Fundación | 2002 | |||
| Inauguración | 11 de maio de 2002 (23 anos) | |||
| Dimensións | ||||
| Capacidade | 66.829 | |||
| Tipo superficie | FieldTurf | |||
| Localización | ||||
| ||||
| Estado | Estados Unidos de América | |||
| Estado federado | Massachusetts | |||
| Condado | Condado de Norfolk | |||
| Vila | Foxborough | |||
| Localización |  Foxborough, Estados Unidos | |||
| Enderezo | 1 Patriot Pl, Foxborough, MA 02035 | |||
| Contacto | ||||
| Páxina WEB | gillettestadium.com | |||
| [ Wikidata ] [ C:Commons ] | ||||
Historia
editarO estadio ten capacidade para albergar a 66.829 espectadores, incluíndo 87 palcos de luxo. O estadio é propiedade e está operado por Robert Kraft, dono tanto dos Patriots como do Revolution, a través Kraft Sports Group. Kraft xa era o dono do antigo estadio de Foxborough de 1988, antes incluso de adquirir os Patriots en 1994. Cando a finais desa década se precisou dun novo recinto, pois o antigo, con máis de vinte anos de uso, xa non atendía as necesidades, pensouse en trasladar ao equipo a Hartford, Connecticut. Con todo, a idea foi abandonada e decidiuse construír Gillette Stadium ao lado do antigo Foxboro Stadium.
A construción comezou o 24 de marzo de 2000, sendo dous anos despois, o 11 de maio de 2002, o primeiro evento oficial celebrado no estadio: un partido de fútbol dos Revolution. Porén, a gran cerimonia de inauguración sería o 9 de setembro co partido de fútbol americano entre os Patriots e os Pittsburgh Steelers, reeditando a Super Bowl daquel ano. No ano 2003 foi sede dalgún partido do Mundial de Fútbol feminino.