Gestor de Infraestructuras Ferroviarias
Gestor de Infraestructuras Ferroviarias (GIF) foi un ente público español creado o 30 de decembro de 1996 pola Lei 13/1996[1] aprobándose o seu estatuto o 25 de abril de 1997 por Real Decreto 613/1997 e clasificado como entidade pública empresarial pola Lei 50/1998[2] o 30 de decembro de 1998.
Historia editar
A creación de GIF debeuse ás medidas do transporte ferroviario que a Unión Europea comezou a impulsar a partir da Directiva do Consello 91/440/CEE sobre o Desenvolvemento dos Ferrocarrís Comunitarios, onde establecía, entre outras cuestións, a separación entre os operadores dos trens e o suxeito xestor da infraestrutura.
O GIF tiña como obxectivo "a construción e, no seu caso, administración das novas infraestruturas ferroviarias que expresamente lle atribúa o Goberno, a proposta do Ministro de Fomento". A empresa foi unida a Renfe instantes antes de que esta, o 1 de xaneiro de 2005, dese lugar a Adif e Renfe Operadora.
O seu último presidente, Antonio González Marín, foi tamén o primeiro presidente de ADIF.
Estrutura interna editar
Competencias editar
- A ordenación da circulación dos trens
- O mantemento da nova infraestrutura
- A xestión dos sistemas de seguridade
- A explotación das instalacións eléctricas e de comunicacións asociadas.
Presidentes editar
| Nome | Período |
|---|---|
| Emilio García Gallego | 1998-2000 |
| Juan Carlos Barrón Benavente | 2000-2003 |
| Ramón Escribano Méndez | 2003-2004 |
| Antonio González Marín | 2004 |
