Galway
Galway (en inglés) ou Gaillimh (en irlandés, ambas formas oficiais) é a capital do condado de Galway, en Irlanda. A cidade atópase na costa oeste da illa, no recanto noroccidental da baía de Galway (53.28°N 9.06°W). O río Corrib atravesa a cidade. Xuvenil e dinámica, é unha das cidades con máis crecemento económico da Unión Europea e resulta difícil precisa-lo seu número de habitantes (segundo datos de 2006 a cidade ten uns 71.893 habitantes), pois aumenta constantemente coa chegada de estudantes a calquera das súas dúas universidades, a National University of Ireland, Galway e a GMIT, así como de traballadores estranxeiros, en gran parte españois.
| Galway (en) Gaillimh (ga)  | |||
| |||
| Localización | |||
|---|---|---|---|
| |||
| Estado | Irlanda | ||
| Provincias | Connacht | ||
| Condados | Condado de Galway | ||
| Capital de | |||
| Contén a división administrativa | |||
| Poboación | |||
| Poboación | 83.456 (2022) (1.561,97 hab./km²) | ||
| Xeografía | |||
| Superficie | 53,43 km² | ||
| Altitude | 25 m | ||
| Datos históricos | |||
| Creación | 1124 | ||
| |||
| Organización política | |||
| Órgano executivo | office of the Mayor of Galway (en)  | ||
| Órgano lexislativo | legislative body of Galway City Council (en) Circunscrición: 3, (Escano: 18) | ||
| Membro de | Rede de cidades creativas (2014–) | ||
| Identificador descritivo | |||
| Código postal | H91 | ||
| Fuso horario | |||
| Prefixo telefónico | 091 | ||
| Outro | |||
| Irmandado con | |||
| Sitio web | galwaycity.ie | ||
Historia Antiga editar
Con máis de oito séculos dende a súa fundación, Galway, en gaélico Gaillimh (de gall e am, "río rochoso"), debe o seu nome ó leito de pedras do Corrib, o río que a atravesa. Aínda que, se habemos de crer nas lendas, a orixe do topónimo se acharía na mitoloxía celta, segundo a cal Gailleamh, filla do rei Breasal, afogouse preto dunha rocha no Corrib. Finalmente, unha corrente minoritaria de historiadores defende que o nome é unha derivación do termo latino Gallaeci (Galicia), terra coa que os devanceiros de Galway terían fluídas relacións dende tempos moi remotos.[Cómpre referencia]
Dende a súa fundación editar
O nacemento da cidade tivo lugar no século XIII cando Richard de Burgo, un dos invasores anglonormandos, chegou a estas latitudes e tentou toma-lo castelo defendido polo clan local dos O'Flaherty (Ó Flaithbheartaigh). Tras dous anos de asedios, conseguiu o seu obxectivo. Dende 1232, acosada polas tribos irlandesas, a vila de Galway medrou amurallada e fiel ó trono inglés. Da man dos dirixentes normandos, unhas cantas familias monopolizaron os principais negocios. Esta foi a xénese das chamadas catorce tribos de Galway, apelativo que os soldados de Oliver Cromwell dedicarían séculos despois ós poderes fácticos da cidade. Nos albores do século XIV, a vila xa comezaba a se perfilar como un porto comercial no que os viños españois eran moi apreciados.
Relación con España editar
A cidade de Galway foi destino habitual de barcos españois nos séculos XV e XVI. O comercio do viño, a pesca do salmón, a loita contra o protestantismo e a común aversión a Inglaterra propiciaron unha gran cooperación. "Todo nesta cidade ten un aire a España." Cando o viaxeiro escocés Robert Graham visitou Galway en 1836, escribiu que a soberbia, que segundo el era típica da Península Ibérica, definía aos seus habitantes, e que nos rueiros podíase percibilo ambiente de dó e indolencia propio de latitudes máis meridionais. Aínda que as súas afirmacións pódense considerar hoxe algo desfasadas, é imposible negar que Galway aínda conserva a súa vocación de porto español (en gaélico- Ceann a'Bhalla) e o desexo de ser capital dos mares, albergue de estranxeiros e patria dos valentes.
Predecesor: Matera Plovdiv
|
 Capital Europea da cultura xunto con  Rijeka2020 |
Sucesor: Timișoara Eleusis Novi Sad
|
Véxase tamén editar
Wikimedia Commons ten máis contidos multimedia na categoría: Galway  |