Francisco López Quinte
Francisco López Quinte, coñecido como Paco de Rigueiro, nado en Sarria cara a 1917 e finado en Lugo o 10 de febreiro de 2000, foi un guerrilleiro antifranquista galego.
| Biografía | |
|---|---|
| Nacemento | 1917  Sarria, España |
| Morte | 10 de febreiro de 2000 (82/83 anos) Lugo, España |
| Datos persoais | |
| Outros nomes | Paco de Rigueiro |
| País de nacionalidade | España |
| Actividade | |
| Ocupación | membro da resistencia |
Traxectoria editar
Fillo de Juan López e Carmen Quinte. Veciño de Treilán. Enlace da guerrilla que tivo que fuxir ao ser descuberto. Integróuse na III Agrupación luguesa do Exército Guerrilleiro. Procesado na causa 522/47, foi reclamado polo Xulgado Militar Eventual número 1 de Lugo con Adolfo Gregorio Cenitagoya González, Manuel Rodríguez, Xosé Castro Veiga, José Pardo Rodríguez, Abelardo Gutiérrez Alba, Elías López Armesto e Xosé Arias Fernández en febreiro de 1948.[1] Nas primeiras eleccións democráticas foi candidato do Bloque Nacional Popular Galego ao Senado, pero non resultou elixido.[2] Finou en Lugo o 10 de febreiro de 2000.[3]
Notas editar
- ↑ El Progreso, 29-2-1948, p. 2,
- ↑ Elecciones al Senado 15 de junio de 1977
- ↑ Necrolóxica en El Progreso, 11-2-2000, p. 68.
Véxase tamén editar
Ligazóns externas editar
- A resposta armada galega ao fascismo Arquivado 21 de novembro de 2021 en Wayback Machine.