Francis Willughby

Francis Willughby, nado en Middleton Hall (Warwickshire) o 22 de novembro de 1635 e finado o 3 de xullo de 1672, foi un ornitólogo e ictiólogo inglés.

Francis Willughby
Nacemento	22 de novembro de 1635
	Warwickshire
Falecemento	3 de xullo de 1672
	Wollaton Hall
Causa	tuberculose
Nacionalidade	Inglaterra
Alma máter	Trinity College e Universidade Harvard
Ocupación	ornitólogo, ictiólogo e naturalista
Pai	Sir Francis Willoughby
Nai	Lady Cassandra Ridgeway
Fillos	Cassandra Willoughby, Duchess of Chandos, Thomas Willoughby, 1st Baron Middleton e Sir Francis Willoughby, 1st Bt.
Coñecido por	Ornithologia libri tres
[ editar datos en Wikidata ]

Traxectoria

Fillo de Sir Francis Willughby, estudou no colexio de Sutton Coldfield e no Trinity College, Cambridge.

En Cambridge foi alumno de John Ray. En 1662 ambos viaxaron á costa oeste de Inglaterra para estudar o aniñamento das aves mariñas. Entre 1663 e 1666 percorreron Europa xuntos, viaxando a través de Holanda, Alemaña, Suíza e Italia. En Nápoles separáronse e Willughby volveu a través de España. Ao volver a Inglaterra fixeron plans para publicar os seus estudos. Willughby morreu durante a preparación do traballo pero Ray publico a obra de Willughby Ornithologia libri tres en 1676, cunha edición en inglés dous anos despois. Este traballo considérase o comezo da ornitoloxía científica en Europa, revolucionando a taxonomía ao organizar as especies de acordo coas súas características físicas. Ray tamén publicou a obra de Willughby De Historia piscium (1686).

En 2003 o estudo científico dos xogos foi publicado (co nome de Francis Willughby's Book of Games) facendo dispoñible para o gran público por primeira vez unha descrición detallada dun conxunto de xogos do século XVII. Esta foi a primeira obra deste estilo en inglés e é comparable á obra Libro dos xogos.

Véxase tamén