Flanagan 007

Flanagan 007 é un libro escrito en 1998 por Andreu Martín e Jaume Ribera. É o sétimo da saga protagonizada polo detective xuvenil Flanagan.

Flanagan 007
Título orixinal	Flanagan 007
Autor/a	Andreu Martín e Jaume Ribera
Orixe	Cataluña
Lingua	catalán
Colección	Fóra de Xogo (nº 29)
Xénero(s)	Novela negra, literatura xuvenil
Editorial	Edicións Xerais
Data de pub.	novembro 1998
Formato	13 x 21 cm. edición rústica cosida a fío
Páxinas	208
ISBN	ISBN 978-84-8302-314-3
Precedido por	Flanagan Blues Band
Seguido por	Flanagan, só Flanagan
Tradución	María Dolores Martínez Torres
[ editar datos en Wikidata ]

Trama

A trama comeza o martes 14 de abril, xusto despois da Semana Santa. Pili, a irmá de Flanagan, desapareceu. Chamou para dicir que estaba ben e que non chamasen á policía, pero o pai encárgalle a Flanagan que dea con ela.

Pili e o seu mozo viaxaban a Madrid para pagar medio millón de dólares a un señor da guerra somalí, ó sospeitaren que na ONG coa que colaboran hai unha toupa que quere evitar o pago. Os cartos son para ceder a unha chantaxe, pois o somalí ten retido un cargamento de medicamentos dirixido á poboación civil.

Axudado por Bruna, unha rapaza fuxida da casa que coñece na estación de trens, e por Niceto, un mozo dos recados do hotel Plaza de Madrid, consegue rescatar á irmá e desenmascarar unha trama dunha empresa farmacéutica moi poderosa para vender medicamentos en malas condicións.

Narración

Nesta ocasión volve a trama con bastante acción, con persecucións, pistolas e participación da policía. Tamén ha situacións delirantes, como unha lea coas maletas no hotel ou todo momento no que está o comisario Campuzano. Malia que Flanagan segue a ser parella de Blanca Online, está nunha fase rara, xa despois do forte namoramento, e non só non a bota de menos demasiado, senón que flirtea con Bruna, coa que intercambia algún bico.

Véxase tamén

Ligazóns externas

• Ficha na web da editorial.