Os fitosteroides ou esteroides vexetais son esteroides naturais que se encontran en plantas.[1] Algúns esteroides de fungos, como o ergosterol considéranse tamén fitosterois.[2] Exemplos son a digoxina, dixitoxina, diosxenina e guggulsterona, así como fitosterois como o β-sitosterol e outros fitoestróxenos como as isoflavonas.[1] Outros exemplos son os brassicosteroides (uns polihidroxiesteroides), a catasteronas, fitoecdisteroides e as teasteronas (uns 22-hidroxisteroides).[3]

A dixitoxina, un fitosteroide e glicósido cardíaco encontrado nos estraloques (Digitalis purpurea).

A formación de fitosteroides difire do proceso de formación dos esteroides animais en que se producen substitucións no C24 e/ou un dobre enlace no C22.[2]

Os fitoesteroides presentes en alimentos vexetais poden interferir co sistema endócrino ao interaccionaren cos receptores de esteroides ou inhibiren encimas que interveñen no metabolismo de esteroides.[4]

Algúns fitosteroides teñen actividade larvicida, polo que poderían ter un uso como pesticidas. Os da planta Solanum nigrum presentan actividade contra larvas de mosquito.[5]

Outros esteroides extraídos de Alisma orientale mostraron actividade de inhibición de formación de osteoclastos en ratos, polo que favorecen o mantemento do tecido óseo e poderían ter un uso en doenzas nas que hai perda ósea, como osteoporose, artrite reumatoide ou periodontite.[6]

Notas editar

  1. 1,0 1,1 Hugh L. J. Makin; D.B. Gower; B. Kirk (29 June 2013). Steroid Analysis. Springer Science & Business Media. pp. 621–. ISBN 978-94-017-3078-5. 
  2. 2,0 2,1 Saccharomyces genome database. Gene Ontology Term: phytosteroid biosynthetic process
  3. CHEBI phytosteroid
  4. Matthew Dean, Brian T. Murphy, Joanna E. Burdette. Phytosteroids beyond estrogens: Regulators of reproductive and endocrine function in natural products. Molecular and Cellular Endocrinology, 442. Feb. 2017.
  5. Rawani A, Ray AS, Ghosh A, Sakar M, Chandra G. Larvicidal activity of phytosteroid compounds from leaf extract of Solanum nigrum against Culex vishnui group and Anopheles subpictus. BMC Res Notes. 2017 Mar 23;10(1):135. doi: 10.1186/s13104-017-2460-9. PMID 28330500 . PMCID: PMC5363031
  6. Ji-Won Lee et al. Alisol-B, a novel phyto-steroid, suppresses the RANKL-induced osteoclast formation and prevents bone loss in mice. Biochemical pharmacology 80(3):352-61 · August 2010. DOI: 10.1016/j.bcp.2010.04.014 [1] ·

 
 Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.