Financial Times
O Financial Times (FT) é un xornal diario internacional impreso en gran formato e publicado dixitalmente que se centra en asuntos económicos e de negocios. Con sede en Londres, Inglaterra, pertence ao holding xaponés Nikkei, cun núcleo de oficinas editoriais no Reino Unido, os Estados Unidos e a Europa continental. En xullo de 2015, Pearson vendeu a publicación a Nikkei por 844 millóns de libras esterlinas (1320 millóns de dólares) despois de ser o seu propietario dende 1957. Na primavera de 2019, informou de que tiña un millón de subscritores de pago, tres cuartos deles dixitais.[1][2] O xornal céntrase especialmente no xornalismo económico e na análise económica, recibindo tanto críticas como eloxios. Patrocina un premio anual para libros e publica un número sobre a "Persoa do Ano".
| Financial Times | |
|---|---|
 | |
 Portada do 13 de febreiro de 1888 | |
| Fundación | 9 de xaneiro de 1889 |
| Propietario | Nikkei Inc. |
| Editorial | Nikkei Inc. e Pearson PLC |
| Lingua | inglés |
| Periodicidade | diaria |
| ISSN | 0307-1766 |
| Na rede | |
| https://www.ft.com e https://www.ftchinese.com/ | |
       | |
| [ editar datos en Wikidata ] | |
O xornal fundouse en 1888 como London Financial Guide antes de cambiar o nome un ano despois por Financial Times. Ao principio circulou na área metropolitana de Londres por parte de James Sheridan, que xunto co seu irmán e Horatio Bottomley, buscaba informar sobre os negocios da cidade en contra de Financial News. A competición durante medio século dos dous xornais culminou coa fusión en 1945, liderada por Brendan Bracken, que o converteu nun dos maiores xornais de negocios do mundo. A globalización de finais do século XIX a mediados do século XX facilitou a expansión editorial de FT, engadindo columnas de opinión, informes especiais, caricaturas políticas, cartas dos lectores, críticas de libros, artigos sobre tecnoloxía e artigos sobre política global. O xornal é recoñecible polo seu gran formato e a cor salmón. Ten suplementos de estilo de vida (FT Magazine), unha edición de fin de semana (FT Weekend) e un pequeno cartafol de publicacións sobre industria.
A liña editorial do Financial Times céntrase no liberalismo económico, en particular no libre comercio e nos mercados libres. Dende a súa fundación apoiou a democracia liberal, favorecendo as políticas do liberalismo clásico e dos gobernos internacionais. A súa redacción é independente da súa dirección. Dada a súa historia como comentarista económico, o FT publica varios índices financeiros, principalmente o FTSE All-Share Index. A súa típica profundidade na cobertura ligou o xornal dende finais do século XX cun público educado de colo branco.[3][4] O cuartel xeral de Financial Times está en Bracken House en 10 Cannon Street, preto do centro financeiro da cidade, onde mantén a súa editorial, centro corporativo e oficina editorial principal.
Notas
editar- ↑ "FT tops one million paying readers". aboutus.ft.com (en inglés). Consultado o 19 de abril de 2019.
- ↑ Greenslade, Roy (14 de abril de 2019). "Financial Times thrives by focusing on subscriptions". The Guardian (en inglés). ISSN 0261-3077. Consultado o 19 de abril de 2019.
- ↑ Plunkett, John; Martinson, Jane (2015-07-24). "Financial Times sold to Japanese media group Nikkei for £844m". The Guardian (en inglés). ISSN 0261-3077. Consultado o 29-05-2020.
- ↑ Kynaston, David (1988). "A Brief History of the Financial Times" (PDF). Viking Adult. Consultado o 20 de maio de 2020.