Festus Ezeli

Ifeanyi Festus Ezeli-Ndulue, nado o 21 de outubro de 1989 en Benin City, Edo, é un xogador profesional de baloncesto nixeriano. Cunha altura de 2,11 m e 116 kg de peso, Ezeli xoga na posición de pivote. O seu maior éxito é o anel de campión conseguido como membro dos Warriors na temporada 2014−15.

Festus Ezeli

Axente libre
Posición	Pivote
Liga	NBA
Información persoal
Nacemento	21 de outubro de 1989 (34 anos) Benin City, Edo
Nacionalidade	Nixeria
Altura	2,11 m (6 ft 11 in)
Peso oficial	116 kg (255 lb)
Información da carreira
Instituto	Igbinedion Education Centre (Benin City, Nixeria) Jesuit Sacramento (California)
Universidade	Vanderbilt (2008–2012)
NBA Draft	2012 / Rolda: 1 / Elección: 30 Por Golden State Warriors
Carreira	desde 2012
Historial de equipos
Golden State Warriors (2012–2016) → Santa Cruz Warriors (2015) D-League
Premios e galardóns
1× Campión NBA (2015)
Información en nba.com

Traxectoria

Nado en Benin City, formouse no instituto Igbinedion Education Centre de Nixeria, trasladándose posteriormente ao Jesuit de Sacramento (California), xa nos Estados Unidos. Posteriormente xogou durante catro tempadas cos Commodores da Universidade de Vanderbilt, onde fixo unha media de 7,7 puntos, 4,5 rebotes e 1,7 tapóns por partido. En 2011 foi incluído no segundo mellor quinteto da Southeastern Conference.

Foi elixido na trixésima posición do Draft da NBA de 2012 por Golden State Warriors, equipo co que debutou o 31 de outubro ante os Phoenix Suns, conseguindo 3 puntos e 5 rebotes. En xuño de 2013, anunciouse que Ezeli perderíase a tempada 2013-2014 debido a unha lesión no xeonllo dereito. A principios de 2015 é cedido aos Santa Cruz Warriors da NBA Development League entre o 28 de xaneiro e o 2 de febreiro. Tras volver aos Warriors consegue ese mesmo ano o seu primeiro anel de campión.

Véxase tamén

Ligazóns externas

• Perfil de Festus Ezeli en NBA.com (en inglés)
• Estatísticas en Basketball-Reference.com Arquivado 18 de agosto de 2015 en Wayback Machine. (en inglés)