FC Deportivo Galicia
O Football Club Deportivo Galicia é un club de fútbol de Londres, Inglaterra. Fundado en 1968 por emigrantes galegos, milita na Primeira División da Combined Counties League, o noveno nivel do sistema de ligas de fútbol de Inglaterra. Xoga os seus partidos como local no Bedfont Recreation Ground de Bedfont.
FC Deportivo Galicia | |
---|---|
Nome | Football Club Deportivo Galicia |
Alcume(s) | Depor |
Fundación | 1968 |
Estadio | Bedfont Recreation Ground, Bedfont |
Capacidade | 3 000 espectadores |
Presidente | Ino Canto |
Adestrador | Leo Decabo |
Liga | Primeira División da Combined Counties Football League |
2020/21 | Tempada abandonada debido á pandemia de COVID-19 |
Na rede | |
https://www.fcdeportivogalicia.com/ | |
Historia editar
Foi fundado en 1968 por un grupo de emigrantes galegos en Londres, co nome de Centro Gallego de Londres, e comezou a xogar na West Fulham League, con Max García como adestrador.[1][2] Unha escisión durante a tempada 1971/72 provocou a formación doutro club co nome de FC Deportivo Galicia, fusionándose os dous clubs baixo este último nome en 1975, momento no que xogaban na Harlesden Sunday League.[2] O equipo tivo como un dos seus primeiros adestradores ao coruñés Paco Cagigao,[1] pai de Francis Cagigao, tamén xogador do club.[3]
En 1995 pasou á Segunda División da Middlesex County League. Na súa primeira campaña, o Deportivo Galicia proclamouse campión, logrando o ascenso á Primeira División.[4] Foron subcampións da Primeira División na tempada seguinte e ascenderon así á Premier Division.[4]
Estivo a piques de desaparecer a mediados da década de 2000, pero conseguiu manterse con vida grazas aos esforzos de dous veteranos xogadores do equipo, Leo Decabo e José Manuel Andón.[5] Decabo, nacido en Londres e fillo de nai de Camariñas e pai de Cea,[6] colgou as botas e converteuse no adestrador do equipo.[7] Tras uns anos difíciles,[8] na tempada 2016/17 o equipo proclamouse campión de liga e subcampión de copa e acadou o ascenso á Combined Counties League.[7]
Terreo de xogo editar
O club ten xogado en varios campos diferentes, entre eles o Osterley Sports Club do CB Hounslow United.[2] En 2015 trasladáronse ao Silver Jubilee Park de Edgware Town, antes de establecerse no Bedfont Recreation Ground ao ano seguinte.
Palmarés editar
- Premier Division da Middlesex County League (1): 2016/17
- Division Two da Middlesex County League (1): 1995/96.
Notas editar
- ↑ 1,0 1,1 Álvarez, Guille (7 de novembro de 2016). "FC Deportivo Galicia, el equipo español de barrio que aspira a jugar la FA Cup" (en castelán). Consultado o 22 de febreiro de 2022.
- ↑ 2,0 2,1 2,2 "FC Deportivo Galicia (0) 2 Bethnal Green United (4) 6" (en inglés). Consultado o 22 de febreiro de 2022.
- ↑ "Francis Cagigao, el cazatalentos del Arsenal" (en castelán). 25 de outubro de 2020. Consultado o 15 de febreiro de 2022.
- ↑ 4,0 4,1 "Middlesex County League 1984–2000". Non-League Matters (en inglés). Consultado o 22 de febreiro de 2022.
- ↑ "Minha terra galega en Londres" (en castelán). 9 de maio de 2017. Consultado o 22 de febreiro de 2022.
- ↑ Rodríguez Cudeiro, Juan Luis (28 de xaneiro de 2019). "El Deportivo Galicia juega en Londres". El País (en castelán). Consultado o 22 de febreiro de 2022.
- ↑ 7,0 7,1 Corellano, Juan (9 de marzo de 2018). "El Deportivo Galicia quiere seguir soñando despierto" (en castelán). Consultado o 22 de febreiro de 2022.
- ↑ "Middlesex County League 2006–2012". Non-League Matters (en inglés). Consultado o 22 de febreiro de 2022.