Abrir o menú principal
Un prato de fårikål, cos seus cachelos.

O fårikål é unha receita tradicional norueguesa, que consiste basicamente nun cocido de año e repolo.

PreparaciónEditar

O fårikål é un cocido de pezas de año con óso, normalmente o lombo, con repolo, pementa negra e un pouco de fariña triga, que se fai durante varias horas nunha pota. A pementa non se bota directamente sobre o año, senón dentro dunha bolsiña, como se fose té. Sérvese con cachelos, cocidos á parte coas súas paras.

O nomeEditar

Fårikål significa literalmente "ovella no repolo". "Får" porén non é o termo máis usual en noruegués nin tampouco en ninorsk para chamarlles aos años ou ás ovellas, senón un termo dinamarqués, que se usa habitualmente en Noruega para as comidas e para frases feitas, como "sort får" (ovella negra).

CostumesEditar

O fårikål é unha comida típica de comezos de outono, cando se matan os años dese ano. Algunha xente prefire a carne de ovella para este prato.

O fårikål era na súa orixe unha comida do Vestlandet, a zona máis occidental de Noruega, pero na actualidade pódese xantar por todo o país. En 1970 foi escollido como prato nacional noruegués por un programa de radio. O último martes de setembro está considerado como o día nacional do fårikål en Noruega.

Ligazón externaEditar