Lobby Europeo de Mulleres
O Lobby Europeo de Mulleres (LEM, EWL nas súas siglas en inglés European Women's Lobby) é unha ONG que traballa para promover os dereitos das mulleres e a igualdade entre mulleres e homes, que foi fundada en 1990. É a meirande organización de coordinación das asociacións de mulleres da Unión Europea (UE). En novembro de 2009, a membresía do LEM estendeuse ás organizacións dos 27 estados membros da UE e dos tres países candidatos, así como ós 21 organismos de eido europeo, o que representa un total de máis de 2.500 organizacións.
| Lobby Europeo de Mulleres | |
|---|---|
| Acrónimo | EWL e LEF |
| Tipo | organización paraugas |
| Sede | Bruxelas |
| País | Bélxica |
| Na rede | |
| https://www.womenlobby.org | |
| [ editar datos en Wikidata ] | |
Cunha Secretaría con base en Bruxelas (Bélxica), o LEM é unha das meirandes ONGs a nivel europeo, e traballa estreitamente con institucións europeas e organizacións da sociedade civil. A nivel internacional, o LEM ten status consultivo no Consello de Europa e no Consello Económico e Social das Nacións Unidas, e participa regularmente nas actividades da Comisión da Condición Xurídica e Social da Muller das Nacións Unidas (CSW).
A misión do LEM é traballar pola promoción e o respecto dos dereitos humanos das mulleres, apoiando a diversidade entre as mulleres e a igualdade entre mulleres e homes, e alertando de posibles retrocesos en dereitos.[1][2]
Notas
editar- ↑ "Mission, vision and values - European Women's Lobby". Arquivado dende o orixinal o 18 de xuño de 2018. Consultado o 18 de xuño de 2018.
- ↑ "De la Vega: 'La violencia de género es la peor manifestación de la desigualdad'".
Véxase tamén
editarLigazóns externas
editar- Páxina oficial (en inglés)