Eumelo de Corinto
Eumelo de Corinto (grego antigo: Εὔμελος ὁ Κορίνθιος, Éumelos ho Korínthios), fillo de Anfílito, foi un poeta épico grego de Corinto. Membro da familia real dos Baquíadas, viviu a mediados do século -VIII[1].
| Biografía | |
|---|---|
| Nacemento | I milenio a. C.  Corinto, Grecia |
| Morte | valor descoñecido |
| Actividade | |
| Ocupación | poeta , escritor |
| Período de actividade | (Con vida en: século VIII a. C. ) |
| Lingua | Grego antigo |
Traxectoria editar
Atribúenlle, co nome de Corinthiaca, unha epopea histórica en honra da súa cidade no que outorgou un pasado lendario a Corinto que fixese esquecer o seu sometemento a Argos durante a época micénica[2]. Tamén é autor de Europia, outro poema épico do mesmo xénero. Tamén lle atribúen Bugonia, ao que se refire Marco Terencio Varrón, cuxo tema se descoñece[3]. Tamén compuxo unha Titanomaquia e un poema titulado Regresos.
Por último, é coñecido por ser o autor dun canto prosódico (procesional) en honra de Apolo da delegación que os mesenios enviaron a Delos, en tempos do seu rei Fintas, do que subsisten dous hexámetros:[4]
«pois ao Itomata lle foi agradábel a musa, a que puras e libres sandalias ten».
Hai obras sobre a historia de Corinto que lle atribuíron e non son súas[6].
Notas editar
- ↑ Pausanias, Descripción de Grecia, II, 1,1.
- ↑ Dunbabin, T. J. (1948). "The Early History of Corinth". Journal of Hellenic Studies (en inglés): 68.
- ↑ Marco Terencio Varrón, De re rustica, II, 5.
- ↑ Pausanias, op. cit., IV, 4, 1.
- ↑ Pausanias, op. cit., IV, 33, 2.
- ↑ Korinthiaka, recherches sur l'histoire et la civilisation de corinthe, des origines aux guerres médiques.
Véxase tamén editar
Bibliografía editar
- West, Martin Litchfield (2002). «Eumelos: A Corinthian Epic Cycle?». "Eumelos: A Corinthian Epic Cycle?" (122). () (Londres) (122): 109-133.
Ligazóns externas editar
- "Eumelus Poems & Fragments". demonax.info (en inglés). Consultado o 22 de novembro de 2017.