Estadio Municipal de Viveiro

Estadio Municipal de Viveiro
	Vista do estadio na beira da ría (á dereita) desde o monte de San Roque
Tipo	campo de fútbol
Deporte	fútbol
Persoas e organizacións
Propietario/a	Concello de Viveiro
Datas
Inauguración	2 de xullo de 1996
Dimensións
Capacidade	1.100
Superficie	Herba natural
Localización
	43°40′N 7°36′O / 43.67, -7.6
Estado	España
Comunidade autónoma	Galicia
Provincia	provincia de Lugo
Concello	Viveiro
Parroquia	Covas
Localización	Rúa Alcalde Medeiras s/n, 27850 Covas,Viveiro
	[ Wikidata ]

O Estadio Municipal de Viveiro, é unha instalación polideportiva situada na parroquia de Covas, Viveiro. O seu propietario é o Concello de Viveiro e nel exerce como local o equipo de fútbol SDR Sacido. Conta cun terreo de xogo de herba natural cunhas dimensións de 105 x 65 metros e unha bancada cuberta con asentos individuais con capacidade para 1.100 espectadores.

Historia

Construído entre 1995 e 1996 grazas a un investimento de 200 millóns de pesetas, foi inaugurado o 2 de xullo de 1996 por Manuel Fraga e estreado a finais dese mesmo mes cun enfrontamento entre o Viveiro CF e o RC Deportivo da Coruña. No seu momento, o exalcalde viveirense César Aja propuxo darlle o nome de Augusto César Lendoiro mais o seu desexo non prosperou.

Segundo os xestores políticos de entón, serviría de escenario preferente para o principal club local -o Viveiro CF- que competía daquela na terceira división. Anos despois, o Campo Municipal de Cantarrana continúa a ser o principal e o novo estadio é empregado para adestramentos e como escenario de partidos de categorías inferiores e de Segunda Autonómica, onde compite a SDR Sacido, ademais dalgún torneo estival.^[1]

En declaracións a La Voz de Galicia de Domingo González López, presidente do Viveiro CF entre 2006 e 2010^[2], aprobadas polos máis dos seareiros e algúns afectados, explicaba por que ao novo estadio municipal viveirense se lle está a dar unha utilidade ben distinta á prevista para a que fora concibida: «O Viveiro sempre xogou en Cantarrana, séntese cómodo alí; non creo que os socios aprobaran un cambio de escenario. Ademais, o campo novo é moi pouco acolledor, o terreo de xogo non está en boas condicións e cando sopra vento do nordés resulta moi complicado xogar ou presenciar un partido. O ideal sería que estivese localizado de xeito transversal á ría e non en paralelo».^[1]

Un total de 16 conxuntos exercitábanse en 2009 no recinto localizado na denominada zona do Cembedo: 10 equipos da Escola de Fútbol Viveiro (desde prebenxamíns até alevíns), 4 do Viveiro CF (primeiro equipo, xuvenís, cadetes e infantís), 1 da AD Praia de Covas (infantís) e o equipo da SDR Sacido. O primeiro equipo do club celeste era o único que non o usaba tamén para disputar os seus compromisos ligueiros.^[1]

Notas

↑ ^1,0 ^1,1 ^1,2 I. Meitín Buján | La Voz de Galicia (11 de febreiro de 2009). "El Viveiro C.F. pasa de la modernidad". Consultado o 30-03-2016.
↑ I. Meitín Buján. La Voz de Galicia (20 de febreiro de 2010). "«El Viveiro C.F. tiene intención de pagar al equipo y va a hacerlo»". Consultado o 30-03-2016.

[:0-1] 1,0 ^1,1 ^1,2 I. Meitín Buján | La Voz de Galicia (11 de febreiro de 2009). "El Viveiro C.F. pasa de la modernidad". Consultado o 30-03-2016.

[2] I. Meitín Buján. La Voz de Galicia (20 de febreiro de 2010). "«El Viveiro C.F. tiene intención de pagar al equipo y va a hacerlo»". Consultado o 30-03-2016.

[1]

[2]