Estadio Martínez Valero

O Estadio Martínez Valero é un estadio de fútbol da cidade de Elx, na provincia de Alacant, España. É un recinto deportivo que alberga os partidos do Elche Club de Fútbol, equipo que milita actualmente na Segunda División.

Martínez Valero
Datos
Localización	Elx, Alacant, España
Construción
Inauguración	8 de setembro de 1976
Arquitecto	Juan Boix Matarredona
Estadio
Superficie	Céspede
Dimensións	108 x 70
Capacidade	36.017
Propietario	Elche CF
Localía	Elche CF
Eventos
Mundial de Fútbol España 1982 Final da Copa do Rei de 2003

O seu nome rende homenaxe ao que fose presidente do club ilicitano, Manuel Martínez Valero. Foi sede da maior goleada na fase final dun mundial, así como sede da final da Copa do Rei de fútbol de 2003. A Selección Española de fútbol disputou varios encontros amigables e oficiais. Foi candidato a albergar a final da Copa da UEFA de 2009.

Historia

O Estadio Martínez Valero, foi inaugurado o 8 de setembro de 1976, substituíndo ao antigo campo de Altabix (1926). Obra do arquitecto Juan Boix Matarredona, é na actualidade o maior recinto deportivo da provincia de Alacant. O partido inaugural foi entre o Elche CF e a Selección de México, onde empataron a tres. Os goles do Elche nese partido conseguíronos Finarolli, Orellana e Gómez Voglino. Ademais, nel xogouse a final da Copa do Rei de fútbol da tempada 2002-03. Formou parte dos estadios onde levaron a cabo os partidos do Mundial de 1982.

Medidas e aforamento

Conta cun aforamento de 36.017 localidades, divididas en dúas graderías, con 20.653 prazas a inferior e 15.364 a superior. Ten unha altura de 18 metros e un peso de 100 millóns de quilos. O terreo de xogo ten unhas dimensións de 108 metros de longo por 70 de ancho, e o aparcadoiro pode albergar 2.184 vehículos.

Instalacións Deportivas

Visión do Martínez Valero antes dun partido Ilicitano - UD Oliva de 3ª División.

• 1 campo anexo con medidas regulamentarias
• 1 campo anexo de adestramento
• 4 vestiarios
• 1 ximnasio
• 1 bañeira hidromasaxe
• Duchas de presión-hidromasaxe
• Sala de vídeo
• Enfermería
• Sala de masaxes
• Está adaptado para usuarios de cadeira de rodas con prazas reservadas para as cadeiras
• Aseos adaptados e os aparcadoiros dos socios con discapacidade están preto das portas de entrada.

Visión do estadio Martínez Valero, nun partido da liga Adelante entre o Elche e o CD Tenerife, cun resultado final de 2-4 a favor dos visitantes e tras quedar con 9 os ilicitanos.

Outras instalacións

• Aparcadoiro con 2.184 prazas
• 8 Cantinas
• Unidade de Control operativo
• Sala de Prensa
• Salga de Xuntas
• 8 cabinas de televisión
• 26 cabinas de prensa e radios

O estadio conta ademais nos seus baixos cunha serie de comercios diversos como pubs, discotecas, restarurantes, unha axencia de seguros e a tenda oficial do Elche CF.

Partidos disputados

Pola selección española

A Seleccón Española disputou un total de 5 partidos no Martínez Valero, 3 deles oficiais e 2 de carácter amigable, nos que marcou un total de 11 goles e só encaixou 1, habendo gañado todos os encontros. O primeiro en disputarse foi en 1986, contra a selección belga.

España		3:0 (2:0)		Bélxica	19 de febreiro de 1986 Asistencia: 38.000 Árbitro: Paolo Casarin (Italia)
Butragueño 3' Julio Salinas 41' Maceda 72'

España		3:0 (1:0)		Macedonia	15 de novembro de 1995 Asistencia: 38.000 Árbitro: Edgar Steinborn (Alemaña)
Kiko 8' Manjarín 72' Caminero 79'

España		2:1 (0:0)		Ucraína	10 de setembro de 2003 Asistencia: 36.000 Árbitro: Terje Hauge (Noruega)
Raúl González 60' 72'			Shevchenko 83'

España		2:0 (1:0)		Exipto	3 de xuño de 2006 Asistencia: 36.000 Árbitro: Stefano Farina (Italia)
Raúl González 14' Reyes 56'

España		1:0 (0:0)		Italia	26 de marzo de 2008 Asistencia: 39.000 Árbitro: Fritz Stuchlik (Austria)
David Villa 77'

Grupo C do Mundial de 1982

Hungría		10:1 (3:0)		O Salvador	15 de xuño de 1982 Asistencia: 23.000 Árbitro: Ebrahim Al Doy (Bahrain)
Nyilasi 4' 83' Poeloeskei 11' Fazekas 23' 54' Toth 50' Kiss 69' 72' 76' Szentes 72'			Ramírez 64'

Bélxica		1:0 (1:0)		O Salvador	19 de xuño de 1982 Asistencia: 15.000 Árbitro: Malcolm Moffat (Irlanda do Norte)
Coeck 19'

Bélxica		1:1 (0:1)		Hungría	22 de xuño de 1982 Asistencia: 37.000 Árbitro: Clive White (Inglaterra)
Czerniatynski 76'			Varga 27'

Ligazóns externas

• Sitio oficial do Elche CF
• Vista 360 grados da contorna do Estadio Martínez Valero Arquivado 22 de outubro de 2009 en Wayback Machine.
• O estadio Martínez Valero cumpre 32 anos da súa inauguración (Diario Información)Arquivado 25 de abril de 2009 en Wayback Machine.