Estadio Johan Cruyff
O Estadio Johan Cruyff (en catalán: Estadi Johan Cruyff ) é un estadio de fútbol, situado en Sant Joan Despí, na provincia de Barcelona. É propiedade do FC Barcelona e atópase dentro da chamada Ciutat Esportiva Joan Gamper, o complexo deportivo situado a uns 7 km do Camp Nou e que está dedicado aos adestramentos e ao fútbol base do club. No estadio xogan os seus partidos como locais o Barça Atlètic, o equipo feminino, e o Xuvenil A. Leva o nome do lendario futbolista neerlandés Johan Cruyff, xogador e histórico adestrador do Barcelona.
Estadio Johan Cruyff | |
---|---|
![]() | |
Datos | |
Coordenadas | 41°22′33″N 2°03′08″L / 41.37583333, 2.05222222Coordenadas: 41°22′33″N 2°03′08″L / 41.37583333, 2.05222222 |
Localización | Sant Joan Despí |
Construción | |
Inauguración | 2019 |
Custo | 12.000.000 € |
Estadio | |
Superficie | Herba natural |
Dimensións | 105m x 68m |
Capacidade | 6.000 |
Propietario | FC Barcelona |
Operadora | FC Barcelona B |
Localía | Barça Atlètic |
[ editar datos en Wikidata ] |
É un estadio de categoría 3 da UEFA e ten capacidade para 6.000 espectadores.[1] Forma parte do proxecto Espai Barça e substituíu nas súas funcións ao Mini Estadi, que estaba fronte ao Camp Nou e que foi derrubado en 2020.[2]
Historia
editarAs obras de construción do estadio comezaron o 14 de setembro de 2017 e completáronse no verán de 2019. Foi inaugurado o 27 de agosto do mesmo ano cun partido amigable entre os equipos xuvenís do Barcelona e do Ajax, os dous principais clubs da carreira de Johan Cruyff.[3] O equipo neerlandés gañou o encontro por 0-2.[4] O 26 de agosto de 2019, un día antes de que o estadio fose inaugurado oficialmente ao público, o Barcelona rendeu homenaxe a Cruyff presentando a súa estatua no Camp Nou.[5]
Notas
editar- ↑ "The Estadi Johan Cruyff". fcbarcelona.com (en inglés). Consultado o 5 de decembro de 2023.
- ↑ "El Mini es un solar" (en castelán). 24 de febreiro de 2020. Consultado o 5 de decembro de 2023.
- ↑ "The Estadi Johan Cruyff opens on August 27". Marca (en castelán). 15 de xullo de 2019. Consultado o 5 de decembro de 2023.
- ↑ "Así fue la inauguración del ‘Estadi Johan Cruyff’ desde dentro". La Vanguardia (en castelán). 28 de agosto de 2019. Consultado o 5 de decembro de 2023.
- ↑ "Inaugurada la estatua de homenaje a Johan Cruyff en el exterior del Camp Nou" (en castelán). 26 de agosto de 2019. Consultado o 5 de decembro de 2023.