Rodapé
O rodapé ou zócolo é a franxa na parte inferior dunha parede que está pintada dunha cor distinta a esta ou feita doutro material.[1][2] O termo friso refírese só á faixa cando se pinta doutra cor[3] e non ter que ir obrigatoriamente a rentes do chan.
Os rodapés adoitan estar formados por un conxunto de táboas de madeira, aínda que, como dixemos, pode tratarse doutro material como pedra, mármore, plástico, cerámica etc, sendo a súa finalidade protexer a parede de patadas, desgaste e da sucidade do chan ou durante a súa limpeza, e, por veces, decorala[4]. A colocación da tira faise ao redor das paredes de aí o nome roda+pé. O rodapé pode ir pegado ou parafusado á parede. Algúns rodapés ou zócolos teñen adornos con fins decorativos.
Tamén se coñece co nome de rodapé á parte final dun texto ou páxina, que non pertence ao seu corpo, tamén chamado simplemente de pé.
Notas editar
- ↑ Definicións no Dicionario da Real Academia Galega e no Portal das Palabras para zócolo..
- ↑ Definicións no Dicionario da Real Academia Galega e no Portal das Palabras para rodapé.
- ↑ Gran dicionario Xerais da lingua galega, Vigo, Xerais, 2009
- ↑ VV. AA. (2012) Vocabulario forestal, Universidade de Santiago de Compostela, Deputación de Lugo.