Apollo 4
O Apollo 4 (tamén coñecido como Apolo-Saturno 501 e AS-501), foi o primeiro voo proba sen tripulación do programa Apolo, que tivo lugar o 9 de novembro de 1967 e que usou un lanzador Saturno V como vehículo impulsor,[1] cuxa terceira fase ía ser posta en marcha, despois de permanecer parada en órbita de aparcamento e ingravidez, para conducir a nave espacial a un punto máximo de afastamento da Terra de 18 340 km. Activouse entón o motor do módulo de mando para que a cápsula alcanzase ao regresar unha velocidade de 40 000 km/h, a mesma que debería levar ao penetrar na atmosfera terrestre e probar os sistemas de protección térmico. O voo foi un éxito técnico.[2]
 Apollo 4 | |||||
| Insignia da misión | |||||
|
| |||||
| Datos da misión | |||||
|---|---|---|---|---|---|
| Misión: | Apollo 4 | ||||
| Rampla de lanzamento: | Centro Espacial Kennedy, Florida LC 39A | ||||
| Engalaxe: | 9 de novembro de 1967 12:00:01 UTC | ||||
| Amaraxe: | 9 de novembro de 1967 20:37:00 UTC 30°06′N 172°32′O / 30.100, -172.533 | ||||
| Duración: | 8 h 36 m 59 s | ||||
| Número de órbitas: | 3 | ||||
| Apoxeo: | 188 km (min.) 18.092 km (max) | ||||
| Perixeo: | 183 km (inicial) -74.1 km (órbita final) | ||||
| Período: | 88.3 m | ||||
| Inclinación orbital: | 32.6° | ||||
| Masa: | Total 73731 kg | ||||
| Foto da tripulación | |||||
 Misión non tripulada | |||||
| Outras misións | |||||
| |||||
Este voo debía ser o primeiro lanzamento tripulado, estando previsto o seu lanzamento o 21 de febreiro de 1967.
O 27 de xaneiro de 1967, durante unhas probas simuladas de lanzamento a bordo dun Saturno IB, produciuse un incendio na cápsula de mando no cal pereceron queimados os tripulantes Virgil Grissom (comandante da nave), Edward White e o doutor Roger Chaffee.
O incendio, acaecido cando apenas quedaban 10 minutos para finalizar a conta atrás e tras un simulacro real de 5 horas e 45 minutos, debeuse posiblemente a un curtocircuíto que inflamou a atmosfera de osíxeno puro ao 100%, que unido ao deficiente illamento dos cables, ás tubaxes mal deseñadas e protexidas, a falta de sistemas de evacuación de emerxencia, así como á carencia de sistemas antiincendios e de asistencia de urxencia, produciron a morte dos tripulantes por asfixia.
Na primavera de 1967 a NASA anunciou que a desafortunada misión Apolo IV pasaría a chamarse Apolo 1, que non habería Apolo 2 nin Apolo 3, e que o primeiro lanzamento do Saturno V programado para novembro de 1967 sería coñecido como Apolo 4, e o seguinte sería o Apollo 5 coa misión SA-204.
Notas editar
- ↑ "Saturn V Launch Vehicle Flight Evaluation Report--AS-501 Apollo 4 Mission" (PDF). Arquivado dende o orixinal (PDF) o 03 de marzo de 2016. Consultado o 04 de xullo de 2017.
- ↑ Brooks (2009), Apollo 4 and Saturn V Arquivado 07 de novembro de 2016 en Wayback Machine..
Véxase tamén editar
| Wikimedia Commons ten máis contidos multimedia na categoría: Apollo 4 |