Albert galiza

 

A verdade é que esa era a miña intención, facer logo artigos individuais de cada museo. Cando comecei quería escribir unha introdución que remitise logo a un artigo principal, pero esa introdución fíxose longa de máis segundo ía metendo máis e máis museos. Agora mesmo, cando aínda faltan non menos de 60 ou 70 xa me está avisando de que a páxina pesa moito; tanto é así que ata pensei en fracciona-lo artigo en "Museos da Coruña", de Pontevedra, etc. Segundo vou consultando textos e a rede, e visitando museos, para enterarme de qué vai cada un vou archivando información para eses futuros artigos individuais, de xeito que aquela introdución inicial é realmente unha moi pequena parte do que teño. En resumo, que dáme tempo e iremos creando artigos con máis enxundia que o que podía dicir aquel texto breve. O problema é que teño demasiadas frontes abertas e o tempo non me dá para moito máis. Mesmo a área de alimentos e alimentación, que foi a razón de fondo de meterme na Galipedia é do que máis documentación teño e o que máis abandonado está. Outra idea que me propuxen foi deixarme de discusións e correccións ortográficas e dedicarme a crear e editar artigos que me interesaran persoalmente, pero cando vexo os "cambios recientes" non podo deixar de saca-lo meu papel de notiñas e anotar que teño que corrixir isto, comprobar aquilo ou contestar o de máis alá. E así se me van as horas. Vale, logo, farei o que me dis e retomarei o mundo dos museos. Un saúdo, Pedro --[[User:Lameiro|Lameiro]] ^{([[User Talk:Lameiro|conversa]])} 17:15, 14 febreiro 2008 (UTC)