Nas novas armas corríxese a anomalía que supuña o uso da simboloxía do Vélaro de Ouro sen ter o concello relación ningunha coa Orde. Ademais, a representación actual do año, vivo e ceibo, resulta menos agresiva que a imaxe do seu coiro atado e colgante.<ref>{{Cita web|título=El riesgo de "maltrato animal" desaparece del escudo y el estandarte oficiales de Valga|url=https://www.farodevigo.es/portada-arousa/2017/03/11/riesgo-maltrato-animal-desaparece-escudo/1638917.html|páxina-web=www.farodevigo.es|data-acceso=2019-12-12|lingua=es|nome=Faro de|apelidos=Vigo}}</ref>
Tamén no [[2017]], adoptouse un himno para o concello, composto polo músico valgués Manu Conde, membro do grupo [[Milladoiro (grupo musical)|Milladoiro]], con letra anónima, segundo o concello. Un veciño afirmou que a letra do himno baséase nunha composición poética súa que el mesmo deu a coñecer ao concello. Segundo este veciño, a letra fora sometida a modificacións que el nunca autorizou, polo que se desvinculou do proxecto. Con todo, este veciño denunciou que a letra final, foi desenvolvida a partir do seu texto, co que mantén unha gran semellanza, sen recoñecemento á súa autoría orixinal.<ref>{{Cita web|título=Un vecino de Valga acusa al Concello de plagiar un poema suyo en el himno municipal|url=https://www.lavozdegalicia.es/noticia/arousa/2017/05/27/vecino-valga-acusa-concello-plagiar-poema-suyo-himno-municipal/0003_201705A27C4991.htm|páxina-web=La Voz de Galicia|data=2017-05-27|data-acceso=2019-12-12|lingua=es}}</ref>
