Megalópteros: Diferenzas entre revisións

Anteriormete os Megaloptera eran considerados parte dun grupo denominado [[Neuroptera]], no que se incluían outros grupos, que son agora considerados xeralmente ordes separadas, e os Neuroptera comprenden agora só eses outros grupos (que antes se chamaban Planipennia). Todos os anteriores Neuroptera están, non obstante, moi estreitamente relacionados entre si e o novo nome para este grupo conxunto que inclúe a todos eles é [[Neuropterida]].<ref>Tamén chamados "Neuropteroidea", aínda que a terminación "-oidea" é a que normalmente se usa para as superfamilias. Ver referencias en Haaramo (2008).</ref> Este é situado ou ben como un superorde, cos [[Endopterygota]] (dos cales forman parte) constituíndo un [[clado]] sen categoría taxonómica sobre el, ou ben os Endopterygota son mantidos como superorde, e os Neuropterida, sen categoría, formarían parte deles. Dentro dos endopterigotos, os parentes vivos máis próximos do clado dos neuroptéridos son os [[escaravello]]s.

 

 

== Anatomía e ciclo vital ==

 

 

As femias poñen ata 3&nbsp;000 ovos nunha masa conxunta, que depositan sobre vexetación que colga sobre a superficie da auga. Sofren a forma máis rudimentaria de [[metamorfose (bioloxía)|metamorfose completa]] entre os insectos. Presentan menos diferenzas entre as formas larvarias e as adultas que calquera outra orde de insectos [[holometábolo]]s, e as súas larvas acuáticas viven en auga doce, arredor da cal viven tamén os adultos. As larvas son carnívoras, e comen pequenos invertebrados, como [[crustáceos]], [[ameixa (molusco)|ameixas]], [[verme]]s e outros insectos. Posúen fortes mandíbulas que usan para capturar as súas presas. Teñen grandes cabezas e corpos alongados. O abdome leva varios filamentos táctiles finos, que nalgunhas especies poden incluír [[branquia]]s. O segmento final do abdome leva un par de [[propata]]s, ou un só apéndice parecido a unha cola.<ref name=IIBD/>