Fillo dun pastor e reputado teólogo de [[Lusace]], era o maior de dez irmáns. Aos doce anos, xa un asiduo lector, entra na célebre ''Furstenschule'' (escola dos electores) de Saint Afra de [[Meissen]]. Adquiríu un bonbo coñecemento do grego, do latín e do hebreo. Nesa época, debido a súa admiración por [[Plauto]] e [[Terencio]] decídese a escribir comedias. No outono de [[1746]], entra na Universidade de [[Leipzig]] como estudante de [[Teoloxía]]. Mais os seus verdadeiros focos de intereses eran, á vez, a Literatura, a Filosofía e máis a Arte. Porén en [[1747]] comeza a estudar Medicina, vivindo na casa do seu primo Mylius, un autor cómico con quen debutará no [[Teatro]]. En [[1751]] marcha a Wittemberg para estudar [[Filoloxía]]. No [[1752]] obtén un mestrado de Letras, que lle permite vivir da pluma. Pasa a ser preceptor durante un tempo. Viaxa a Inglaterra de [[1756]] a [[1758]]. No [[1767]], foi nomeado director do teatro de Hamburgo e, dous anos máis tarde, convértese en bibliotecario do duque de [[Brunswick]], en [[Wolfenbüttel]]. Casa en [[1776]] con Eva König, que falece en [[1778]]. Isto o torna [[Depresión (psicoloxía)|depresivo]], deteriorándose a súa saúde ata falecer o [[15 de febreiro]] de [[1781]].
