'''Heraclio Pérez Placer'''<ref>[[Bautismo|Bautizado]] como Heraclio Manuel Antonio Salustiano o 17 de novembro de 1866, como consta no Libro 9, folio 39 v. da parroquia da Santísima Trindade do [[Arciprestados de Galicia|Arciprestado]] de Ourense.</ref>, nadonacido en [[Ourense]] o [[8 de novembro]] de [[1866]] e finado en [[Comunidad de Calatayud|Calatayud]] ([[Provincia de Zaragoza|Zaragoza]]) o [[21 de outubro]] de [[1926]], foi un [[médico]], [[escritor]], [[xornalista]] e [[editor]] galego. Como autor, participa das características habituais dos prosistas de finais do [[século XIX]] (ambientación rural e [[costumismo]]), se ben presenta trazos singularizantes como a insistencia na descrición paisaxística e no cariz [[erotismo|erótico]] destas escenas, algo que a [[Crítica literaria|crítica]] da época fixo notar. Foi, así mesmo, un escritor [[sátira|satírico]] e polémico, mais tamén próximo ao [[Literatura impresionista|impresionismo]] e ao [[subxectivismo]], interesado na busca de novos camiños expresivos para a [[prosa]] galega, algo que compartía co seu íntimo amigo [[Francisco Álvarez de Nóvoa]].
