Iria Flavia, Padrón: Diferenzas entre revisións

A igrexa, o adro e parte do contiguo [[cemiterio]] de Adina ocupan unha extensa necrópole datada a partir do [[século V]]. Nela está un dos [[Órgano (música)|órgano]]s máis valiosos de Galicia. Amais de lápidas e sartegos contemporáneos (como o de [[Camilo José Cela]] e os seus antergos), á beira da igrexa de Santa María consérvase unha ampla colección de sartegos e laudas, en distinto estado de conservación. Son sartegos monolíticos, escavados con forma antropomorfa e tampa tamén monolítica lisa ou en dobre estola. Nalgunhas das laudas aprécianse signos gremiais como nas de [[Igrexa de Santa María a Nova de Noia|Noia]]. Atopáronse tamén outros construídos con laxes, perpiaños ou ladrillos. Nalgúns casos consta que se trata de elementos construtivos de antigas obras romanas.