As especies de plantas que conteñen citisina pertencen a varios xéneros da subfamilia [[Faboideae]] da familia [[Fabaceae]], como ''[[Laburnum]]'', ''[[Anagyris]]'', ''[[Thermopsis]]'', ''[[Cytisus]]'', ''[[Genista]]'', ''[[Retama]]'' e ''[[Sophora]]''. O seu nome vén do xénero ''Cytisus''. A citisina está tamén presente no xénero ''[[Gymnocladus]]'' da subfamilia [[Caesalpinioideae]].
A planta ''[[Sophora chrysophylla]]'' pode conter cantidades de citisina que son letais para moitos animais. O paxaro ''[[Loxioides bailleui]]'', e as especies de couzasavelaíñas ([[lepidópteros]]) ''[[Uresiphita polygonalis|Uresiphita polygonalis virescens]]'' e as do xénero ''[[Cydia]]'', e posiblemente tamén as [[ovella]]s e [[cabra]]s non son afectadas por esta toxina por varias razóns, e poden alimentarse da planta ''Sophora chysophylla''. As [[eiruga]]s de ''U. p. virescens'' parece que poden secuestrar a citisina dentro do seu organismo como protección para evitaren ser elas comidas polos depredadores; teñen ademais unha coloración [[Aposematismo|aposemática]] (cores rechamantes de advertencia), que avisa da súa toxicidade aos depredadores.<ref>{{Cita publicación periódica | last1 = Banko | doi = 10.1023/A:1016248502927 | pmid = 12199503 | first1 = P. C. | year = 2002 | pages = 1393 | issue = 7 | volume = 28 | journal = Journal of Chemical Ecology | last2 = Cipollini | first2 = M. L. | last3 = Breton | first3 = G. W. | last4 = Paulk | first4 = E. | last5 = Wink | first5 = M. | last6 = Izhaki | first6 = I. | title = Seed chemistry of Sophora chrysophylla (mamane) in relation to diet of specialist avian seed predator Loxioides bailleui (palila) in Hawaii | url = http://www.uni-heidelberg.de/institute/fak14/ipmb/phazb/pdf-files/2002%20Pdf.Pubwink/1.2002.pdf}}</ref>
