Chachapoyas: Diferenzas entre revisións

Chachapoyas provén do vocablo nativo ''sachapuyos'' que significa ''homes da néboa'', atribuíndolle este nome debido á densa brétema que habitualmente cobre o cerro de Puma Urco, que se atopa nas inmediacións da cidade.

Berce da [[cultura chachapoyas]], a cidade foi sometida polo Imperio Incaico no [[século XV]] e posteriormente, tras a conquista, foi novamente fundada polos españois co nome de '''San Juan de la Frontera de los Chachapoyas''' por Alonso de Alvarado o [[5 de setembro]] de [[1538]].<ref>''Enciclopedia Temática del Perú. TOMO V: Geografía'', Carlos Peñaherrera. Lima, Orbis Ventures, 2004.</ref> Desa época datan a súa praza de Armas e as pequenas rúas empedradas que se conservan hoxe en día. Foi pensada para constituírse como capital do oriente peruano desde a marxe dereita do [[río Marañón]]. En 1821 derrotaron nela os patriotas peruanos aos realistas, converténdose de inmediato (1832) na capital dun dos primeiros departamentos.