Hormona adrenocorticotropa: Diferenzas entre revisións

* A ACTH estimula o encima de corte da [[cadea lateral]] do colesterol, que é o paso limitante na [[esteroidoxénese]]. <ref>[http://www.endotext.org/adrenal/adrenal5/adrenalframe5.htm Mechanism of ACTH action on adrenal cortical cells] Andrew N. Margioris, M.D., and Christos Tsatsanis, Ph.D. Updated: April, 2011</ref> Isto ten como resultado a produción da [[pregnenolona]].

A síntese de ACTH iníciase a partir da pre-[[proopiomelanocortina]] (pre-POMC). A eliminación do péptido de sinalización durante a [[tradución (proteínas)|tradución]] produce o [[polipéptido]] de 241 aminoácidos [[proopiomelanocortina]] (POMC), que sofre unha serie de [[modificación postraducional|modificacións postraducionais]] como [[fosforilación]] e [[glicosilación]] antes de que sexa cortada [[proteólise|proteoliticamente]] por [[endopeptidase]]s, orixinando varios fragmentos polipeptídicos con varias actividades fisiolóxicas. Estes fragmentos son: NPP, melanotropina gamma (γ-MSH), péptido potencial, corticotropina (ACTH), [[MSH#Alfa-MSH|melanotropina alfa]] (ou α-MSH), [[péptido intermedio similar á corticotropina]] (CLIP), [[lipotropina]] beta (β-LPH), lipotropina gamma (γ-LPH), melanotropina beta (β-MSH), beta-endorfina, e Met-encefalina. O POMC, a ACTH e a β-lipotropina segréganas as células corticotropas da adenohipófise. <ref>{{cite web |title=Adrenocorticotropic Hormone (ACTH) |url=http://www.vivo.colostate.edu/hbooks/pathphys/endocrine/hypopit/acth.html}}</ref>

A regulación da síntese de ACTH prodúcese da seguinte maneira: En situación de estrés físico ou psicolóxico como a [[dor]], o cansazo, medo ou cambios da [[temperatura]], é estimulada intensamente a secreción do factor hipotalámico CRH, que estimula a liberación de ACTH (e esta a de glicocorticoides). Tamén estimulan a síntese de ACTH outras hormonas como a arxinina-[[vasopresina]] (AVP), as [[catecolamina]]s, a [[anxiotensina]] II, a [[serotonina]], a [[oxitocina]], o [[péptido natriurético auricular]] (ANP), a [[colecistoquinina]], e o [[péptido intestinal vasoactivo]] (VIP), entre outros.

Unha forma sintética activa da ACTH, que consta dos primeiros 23 aminoácidos da ACTH nativa, foi sintetizada por Klaus Hofmann na Universidade de Pittsburgh. <ref>{{cite web |title=Simulated ACTH |work=[[Time (revista)|Time]]|date=12 de decembro de 1960 |url=http://www.time.com/time/magazine/article/0,9171,871916,00.html}}</ref> A ACTH está dispoñible en forma de derivados sintéticos como cosintropina e sinacthen, que se usan fundamentalmente na [[proba de estimulación de ACTH]].