Xosé Antonio Touriñán: Diferenzas entre revisións

Tras formarse no teatro escolar en Tarrío e no Instituto Crucero Baleares (Culleredo), a principios do 2000 crea con [[Marcos Pereiro]] o dúo cómico ''Os 2 de Sempre'', unha proposta que acadou sona co espectáculo as [[Cantareiras de Ardebullo]], no que Touriñán interpreta a [[Mucha e Nucha|Mucha]]. En 2012 dirixiu e presentou Tourilandia.

No ano 2007 abriu en [[Carral]] xunta Marcos Pereiro o local de espectáculos e concertos Sala The Star, que se mantivo activo até 2012. 

No 2009 fundou, tamén con Marcos Pereiro como socio, a súa propia produtora, Airapro Producións, unha pequena empresa con sede en Carral e [[Betanzos]], que traballa no sector audiovisual e da representación artística, xestionando grupos musicais e humoristas como [[Heredeiros da Crus]], [[Pepo Suevos]] e as propias Cantareiras de Ardebullo. Licenciado en Filoloxía Galega e pai de dous fillos, Touriñán ten participado noutros programas, series e filmes, como ''Padre Casares'', ''[[Botarse ao monte]]'', ''Era visto!'', ''Land Rober'', ''[[Os fenómenos]]'' ou os [[premios Mestre Mateo]], dos que foi o presentador dous anos consecutivos.