Nuno Freire de Andrade, o Mao: Diferenzas entre revisións

En [[1428]], recibiu nos seus estados ao infante [[Henrique de Aragón]], a quen hospedou obsequiosamente. Logo acompañou ao rei [[Xoán II de Castela|Xoán II]] a terras de [[Aragón]], no ano seguinte, con numerosa hoste durante a guerra contra os aragoneses que apoiaban aos Infantes de Aragón. Nuno Freire acabada a guerra en [[1430]], non tiña outro remedio que compensar e pagar ben aos seus homes<ref>Resúmese a Couceiro Freijomil, A., ''Historia de Puentedeume''. Pontedeume. 1981, páxs. 181-184</ref> .

 

Isto foi, seguramente, a orixe de fortes exaccións sobre os seus vasalos, arrapañadas con grande dureza, e que levaron ao levantamento da [[Irmandade Fusquenlla]] en [[1431]], na que até dez mil homes, conducidos polo fidalgo [[Roi Xordo]], derribaron varias casas fortes e mesmo se atreveron a tentar o asedio de [[Santiago de Compostela|Santiago]]; até que o mesmo Nuno Freire, auxiliado polo [[correxedor]] real, [[Gómez García de Hoyos]], os venceu aos pés da súa mesma fortaleza de Pontedeume, onde tiñan cercada á súa propia esposa e fillos<ref>Cfr. Valdeón Baruque, J., ''Los conflictos sociales en el reino de Castilla en los siglos XIV y XV''. Madrid. 1976, páxs. 188-191 ; tamén máis resumidamente en [[José Miguel Andrade Cernadas|Andrade Cernadas, J. M.]], e [[Francisco Javier Pérez Rodríguez|Pérez Rodríguez, F. J.]], ''Galicia Medieval''. Perillo-Oleiros. 1995, páxs. 269-270.</ref>. Os derrotados foron ou presos ou enforcados.

 

O maior dos fillos de Nuno Freire, [[Pedro Fernández de Andrade II|Pedro Fernández de Andrade]] herdou a sucesión. O seu segundo fillo [[Fernán Pérez de Andrade, O Mozo]] chegaría a ser tamén señor de Pontedeume despois da morte prematura da filla de Pedro Fernández de Andrade II, [[María de Andrade]].

 

{{Listaref}}

 

* [[Antonio Couceiro Freijomil|Couceiro Freijomil, Antonio]], ''Historia de Puentedeume y su comarca''. Pontedeume. S.n., 1981, reedición do orixinal de 1926.

* Valdeón Baruque, Julio, ''Los conflictos sociales en el reino de Castilla en los siglos XIV y XV''. Madrid. 1976 – ISBN 84-323-0188-4

* [[José Miguel Andrade Cernadas|Andrade Cernadas, J. M.]] e [[Francisco Javier Pérez Rodríguez|Pérez Rodríguez, F. J.]], ''Galicia Medieval'', t. III da ''Historia de Galicia''. Perillo-Oleiros. Vía Láctea Editorial. 1995 - ISBN 84-89444-14-5

 

 

[[Categoría:Personalidades da Idade Media de Galicia]]