O xénero ''Herpesvirus'' foi establecido en 1971 no primeiro informe do [[ComiteComité Internacional de Taxonomía de Virus]] (ICTV). O xénero constaba de 23 virus e 4 grupos de virus. No segundo informe do ICTV de 1976 este xénero foi elevado ao nivel de familia - os ''Herpetoviridae''. Debido á posible confusión que se podía dar cos virus derivados de [[réptile]]s este nome foi cambiado no terceiro informe de 1979 a ''Herpesviridae''. Neste informe a familia ''Herpesviridae'' foi dividida en tres subfamilias (''Alphaherpesvirinae'', ''Betaherpesvirinae'' e ''Gammaherpesvirinae'') e 5 xéneros sen nome: na lista había 21 virus en total. En 2009 a familia ''Herpesviridae'' foi elevada á categoría de orde co nome ''Herpesvirales''. Esta elevación foi necesaria debido ao descubrimento de que os virus herpes de peixes e moluscos estaban relacionados só moi distantemente cos de [[aves]] e [[mamíferos]]. Creáronse dúas novas familias, a familia ''Alloherpesviridae'', que incorpora os virus de peixes óseos e ras, e a familia dos ''Malacoherpesviridae'', que contén os de moluscos.
A orde ten actualmente 3 familias, 3 subfamilias e 1 de non asignados, e ten 17 xéneros, 90 especies e máis de 48 virus aínda non asignados.<ref name="Davison2010">Davison AJ (2010) Herpesvirus systematics. Vet. Microbiol. 143(1-2): 52–69</ref>
