Verea: Diferenzas entre revisións

Na [[Serra de Laboreiro|serra do Leboreiro]], na fronteira con [[Portugal]], consérvanse restos [[megalitismo en Galicia|megalíticos]], destacando unha [[necrópole]] de [[mámoa]]s con cámara funeraria. Nas ladeiras do monte Penagache estanse a realizar unha serie de escavacións arqueolóxicas na procura de restos anteriores á [[Romanización de Galicia|romanización]].

A [[etimoloxía]] do topónimo '''Verea''' indica que é un lugar de paso. O concello estaba atravesado por unha antiga vía romana de carácter secundario, que saía de ''[[Aquis Querquennis]]'' cara ao norte, entrando polo alto do Vieiro. Porén, para outros autores o topónimo procede de ''Venoriu'', relacionado coas [[Minaría|mina]]s. Outros restos romanos atópanse nun campamento romano coñecido como [[Castro da Cividá|A Cividá]].

Preto do campamento atópase a ermida de [[Trocado de Acci|San Trocado]]. Segundo a lenda, recollida por [[Ambrosio de Morales]] na súa obra ''Viaxe Santo'', uns portugueses que roubaran as reliquias de Celanova quedaron paralizados no lugar onde hoxe se levanta a ermida por mor dun milagre de [[Rosendo de Celanova]]. Esta ermida, durante moito tempo esquecida, encóntrase hoxe en vías de restauración.