Jon Morgan Searle: Diferenzas entre revisións
Artigo novo |
(Sen diferenzas.)
|
Revisión como estaba o 12 de outubro de 2012 ás 23:32
Jon Morgan Searle (22 de xuño de 1930 - 13 de Marzo de 2012) foi un xornalista xibraltareño e editor do Gibraltar Chronicle. Tamén foi correspondente da axencia de noticias Reuters e do The Times de Londres.
| Biografía | |
|---|---|
| Nacemento | 22 de xuño de 1930 Buckfast, Devon |
| Morte | 13 de Marzo de 2012 Xibraltar |
| Datos persoais | |
| País de nacionalidade | británica |
| Educación | Universidade McGill (pt)   |
| Actividade | |
| Ocupación | xornalista |
| Lingua | Lingua inglesa |
| Familia | |
| Cónxuxe | Lina Searle |
| Fillos | Dominique Searle |
Biografía
Jon Searle naceu en Buckfast, Devon, o 22 de xuño de 1930. Na súa infancia, mudouse para o Canadá despois da morte de súa nai, e foi creado por amigos da familia. Formouse en artes plásticas na Universidade McGill, en Quebec, antes de regresar ao Reino Unido, onde serviu no Royal Army Educational Corps.[1]
Durante o servizo militar, foi enviado a Xibraltar, por primeira vez, onde ensinou arte e coñeceu a súa futura esposa, Lina. A parella volveu a Inglaterra, onde Lina estudou fisioterapia en Manchester e Jon graduouse en socioloxía en Liverpool. Despois de completar os seus estudos, a parella viviu por algún tempo en Coventry, antes de regresar a Xibraltar.[1]
No Peñón, Searle traballou como oficial de xustiza e profesor na Escola St. Jago, en finais dos anos 1950. Neste momento, apareceu unha oportunidade para integrar o equipo de xornalistas do Gibraltar Chronicle, e en 1966, Searle converteuse en editor do xornal, cargo que ocupou ata 1986. Durante este tempo el tamén foi correspondente da Reuters e The Times de Londres, informando sobre Xibraltar e toda a rexión.[1]
Searle tamén actuou como secretario da Biblioteca Garrison por moitos anos. O seu fillo, Dominique tamén se fixo editor do Chronicle en 1996.[2]
Jon Searle morreu o 13 de marzo de 2012.[1]
Autobiografía
- Song for a new life[3]
Notas
- ↑ 1,0 1,1 1,2 1,3 Gibraltar Chronicle, ed. (2012-03-14). "Former Chronicle editor dies" (en inglés). Consultado o 30-09-2012.
- ↑ Gibraltar Chronicle (ed.). "Previous Editors" (en inglés). Consultado o 30-09-2012.
- ↑ This is Devon, ed. (05-05-2012). "Buckfast boy cast adrift by WWII" (en inglés). Consultado o 30-09-2012.