Ácido acetoacético: Diferenzas entre revisións

A [[pH]] celular normal actúa como acetoacetato. Xunto coa [[acetona]] e o [[beta-hidroxibutirato]] é un dos corpos cetónicos do metabolismo. No fígado humano e doutros mamíferos o exceso de [[acetil-CoA]] formado durante a [[beta-oxidación dos ácidos graxos]] desvíase á formación de corpos cetónicos. En tres pasos encimáticos o acetil-CoA orixina acetoacetato, o cal pode transformarse despois en acetona e beta-hidroxibutirato. O acetoacetato e o beta-hidroxibutirato poden ser transportados polo sangue a outros tecidos, onde poden ser oxidados pola vía do [[ciclo do ácido cítrico]] para producir enerxía. Durante o xexún ou en certas circunstancias ([[diabetes mellitus]] por exemplo) os corpos cetónicos acumúlanse no sangue orixinando [[cetose]] <ref name=Lehninger>A. Lehninger. Principios de Bioquímica. Omega. 1988. Páxinas 524, 536, 544.isbn 84-282-0738-0</ref>.

Os [[aminoácido cetoxénico|aminoácidos cetoxénicos]] durante a súa degradación poden orixinar [[acetoacetil-CoA]] e este pode ser transformado en acetoacetato. Ditos [[aminoácido]]s son: [[triptófano]], [[lisina]], [[leucina]], [[tirosina]], [[fenilalanina]] <ref name=Lehninger/>.