Pío Rodríguez Terrazo: Diferenzas entre revisións

Estudante de Leis na [[Universidade de Santiago de Compostela]], tivo problemas en 1825 para matricularse polos seus antecedentes liberais. Afincouse en Santiago de Compostela como avogado e despois como fiscal. Foi o primeiro alcalde de [[Santiago de Compostela]] ([[1834]]) e líder do [[Partido Liberal Progresista|progresismo]] en Compostela (1840-1847) formou parte de todas as xuntas revolucionarias dos pronunciamentos. Fundou o periódico ''[[La Situación de Galicia]]'' (1842-1843). Foi presidente da Xunta Superior Provisional de Goberno de Galicia durante o [[Mártires de Carral|levantamento de 1846]] e formou comisións encargadas de abordar plans para a administración de Galicia. Despois da derrota dos sublevados exiliouse a [[Portugal]] e regresou en [[1847]] para dedicarse aos negocios familiares.