Kenneth I de Escocia
Kenneth I de Escocia, coñecido na súa época como Cináed mac Ailpín (gaélico moderno: Coinneach mac Ailpein), e tamén pola súa forma anglicizada Kenneth MacAlpin, nado en 810 e finado o 13 de febreiro de 858, foi rei dos pictos e segundo a tradición está considerado o primeiro rei dos escoceses, levando o alcume An Ferbasach ("o Conquistador")[1] e o fundador da dinastía que gobernou Escocia por gran parte do período medieval, e que pasou á monarquía británica.
Kenneth I de Escocia | |
---|---|
Nacemento | c. 810 |
Lugar de nacemento | Iona |
Falecemento | 8 de febreiro de 858 |
Lugar de falecemento | Forteviot |
Soterrado | Abadía de Iona |
Ocupación | monarca |
Pai | Alpin |
Fillos | Constantino I de Escocia, Áed de Escocia, Máel Muire ingen Cináeda, daughter of Kennet I e Eochaid (?) |
Irmáns | Donald I de Escocia |
Na rede | |
[ editar datos en Wikidata ] | |
Traxectoria editar
Designado rei de Dalriada durante catro anos, axudouse da súa condición de fillo de escocés e picto para conquistar o país dos pictos e proclamarse o seu rei tras a destrución do seu reino polos viquingos no ano 843, pero non hai rexistros contemporáneos sobre a súa coroación. Mantivo unido o reino malia os ataques dos anglos en Strathclyde e dos viquingos no norte. A fonte máis importante sobre Kenneth é a Crónica dos reis de Alba de principios do século XI, que abrangue de Kenneth ao remate do século X mentres a data da súa morte procede da Crónica de Irlanda[2].
Notas editar
- ↑ Skene, William Forbes, ed. (1867), Chronicles of the Picts, Chronicles of the Scots, and Other Early Memorials of Scottish History, Edinburgh: Edinburgh General Register House, p. 83.
- ↑ Alex Woolf (2007) From Pictland to Alba 789~1070 The New Edinburgh History of Scotland. Edinburgh University Press, Edinburgh ISBN 978-0-7486-1234-5, pp93-98
Predecesor: |
Rei de Escocia 843–858 |
Sucesor: Donald I de Escocia |