Ernesto X. González Seoane
Ernesto Xosé González Seoane, nado no Porto do Barqueiro (Mañón) en 1962, é un lingüista galego, foi director do Instituto da Lingua Galega e membro correspondente da Real Academia Galega dende 2004[1].
| Biografía | |
|---|---|
| Nacemento | 1962  (61/62 anos)O Porto do Barqueiro, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | lingüista |
| Lingua | Lingua castelá |
Traxectoria editar
En 1985 licenciouse en filoloxía hispánica pola Universidade de Santiago de Compostela. En 1992 doutorouse coa tese A ortografía e a gramática do galego nos estudios gramaticais do s. XIX e primeiros anos do XX, coa que logrou o premio extraordinario de doutoramento. Profesor e máis tarde catedrático do departamento de filoloxía galega da USC, foi decano da facultade de filoloxía (2004-2012). Dirixiu o Dicionario de dicionarios do galego medieval e editou obras de Castelao e Ramón Otero Pedrayo. Entre 2013[2] e 2018 dirixiu o Instituto da Lingua Galega.
Notas editar
- ↑ Membros corespondentes da RAG
- ↑ "Ernesto González Seoane: «A situación do idioma galego é manifestamente mellorable»", La Voz de Galicia, 26 de marzo de 2013